Desy Dingdong Nenamu ke #PantunCeplasCeplos

Posted by Rrrrratih~ on 22.04 in ACARA, NYANG ANGET | 1 komentar

Kalo Abang None memiripkan wajah penyanyi eni ame penyanyi lain, sah-sah aje sih. Tapi soal karakter, tentu penyanyi eni ngemilikin nilai lebih kendiri. Apelagi pengalaman manggungnye udeh lumayan cukup buat seorang pendatang baru.

Nama Desy Dingdong, belakangan cukup akrab ame Abang None penikmat musik dangdut. Lagu dangdut nyang ditawarin Neng Desy bukanlah dangdut remix dengan goyangan menggoda, tapi dangdut kalem tapi tetap berunsur ceria. Dinikmatin sore-sore paling cocok, dinikmatin pagi-pagi enak juga.

Lagu bertempo medium berjudul Sore Sore eni Abang None, sejatinye bukanlah single perdana Desy. Tetapi single keduanye nyang justru sekaligus melambungkan namenye ke panggung musik dangdut nasional. Lantaran lagu entu pula, Desy mangkinan dikenal ame masyarakat Indonesia. Sebab sejak entu lagunye banyak diputar di radio-radio dan termasuk pula menjalani berbagai event off air baek acara tv lokal atawe nasional.

Penyanyi kelahiran Jakarta, 20 Mei taon 1992 entu disela-sela kesibukannye kuliah di jurusan D3 Management Informatika, juga aktif menjadi MC maupun menyanyi di event-event besar. Bahkan Desy Dingdong sempet juga ikutan di acare Take Me Out Indonesia, taon kemarenan.

Pengalaman bernyanyinye nyang dimulain sejak duduk di bangku SMP Kelas 2, membuat jam terbang Desy Dingdong belajar dangdut bukanlah hal instan. Sebab kate Desy, musik dangdut memang musik nyang didemenin keluarganye. “Awalnye Desy memang kurang suka ame musik dangdut, tapi karna Mama yang selalu support saya, saya mulai belajar otodidak,” gitu kate Desy soal awal mula perjalanan karirnye, Abang None. Bahkan diakuinye pengalaman (nyanyi dangdut) pertame kali nye eni sebagai pengalaman paling menyenangkan lantaran bise mengetahui teknik vokal nyang baek

Perihal awal mulanye terjun ke dunia rekaman, Desy mengakui bukan hal gampang lantaran kudu melalui proses audisi, test vokal ame penilaian untuk hal-hal pribadi. Maksudnye penilaian personality kali ye Abang None, hehe..

Saat eni, Desy lagi nyiapin single ketiganye Abang None. So, buat Abang None nyang misih demen ame lagu Sore Sore-nye, request terus aje ye di Bens Radio, tentu di acare-acere dangdut, seperti Pantun Ceplas Ceplos, Senin ampe Jumat jem 14.00-16.00 WIB, acare Ngeronda Senin-Jumat jem 23.00-02.00 WIB ame Warung Dangdut setiap Sabtu ame Minggu jem 23.00-02.00 dini hari.

Nah buat Abang None nyang pengen ngobrol ame Desy Dingdong di acare Pantun Ceplas-Ceplos jangan lupa buat kupingin di hari Kamis, 3 Januari 2013 mulain jem 15.00 ampe 16.00 WIB.. Atensi Abang None bise via telpon (021-7870760), sms (kirim ke 9123 tarif 500 rupiah / sms), BB (invite BB Bens Radio 28C83E78) atawe twitter @bensradio ame FB (Bensradio 1062 Jakarta) Pantengin juga ye siaran kite via 106.2 FM atawe www.bensradio.com.

Bise juga klik http://175.103.58.72:8000/listen.pls. Ade oleh-oleh menarik dari Desy Dingdong buat 3 Abang None nyang beruntung. Nyok kite support perkembangan musik Indonesia termasuk musik dangdutnyee...

(ND)

Desy Dingdong Nenamu ke #PantunCeplasCeplos

1 komentar

Leave a Reply