Apa jadinye Abang None kalo ketemu
perempuan cantik, bersuara serak-serak sexy dan supel bergaul. Buat Abang-Abang mingkin
aje kepikiran ngegodain kali yee.. Hahay, hati-hati tapinye, sebab penyanyi dan
MC nyang atu eni sempet mengharumkan DKI Jakarte ame olah raga karate-nye.
Kalo Abang None sempet sayup-sayup denger lagu berjudul Jalan Lagi Sama Aku, nah
entu adalah single pertame dari penyanyi nyang atu eni Abang None. Lagu eni
udeh dirilis tahon lalu, tepatnye bulan September 2011. Nah single kedua dari
Aliza, udeh dirilis juga dengan judul Tell Me Why.
Karakter
suara dan gaya bernyanyi Aliza banyak nyang bilang mirip-mirip ame Mpok Reza
Artamevia. Bahkan Aliza berterimakasih akan pendapat sejumlah kalangan eni Abang None. Tapi bagaimanapun Aliza pengen tetep tampil ape adenye Aliza. Alias
jadi diri kendiri.
Videoklip
lagu kedua Aliza eni juga udeh bise Abang None nikmatin di internet. Kalo Abang None penasaran siape sutradara videoklip eni, jawabnye adalah Aliza kendiri.
Wuess.. roman-romannye Aliza udeh mulain percaya diri jauh melebihi kondisinye
saat pembuatan single pertame, dimana videoklip single pertame Aliza
dipercayain ame seorang sutradara kondang
bername Tepan Cobain.
Kini Abang None, Aliza disibukkan ame kegiatannye bernyanyi dan juga ngemsi di
berbagai acare, tentu dengan gaya khas dan karakter suaranye. Pengen denger
Aliza nyanyi lagu buat memeriahkan hari ibu dalam gaya nge-jazznye? So,
pantengin acare Begaul malem eni Abang None. Tepatnye Senin, 17 Desember 2012, malem
eni.
Di
acare eni, Abang None bukan cuma bise ngobrol ame Aliza aje, tapi juga bise
dapetin peluang dapetin hadiah. Naahh khususnye nih buat abang none ncang
ncing nyak babe nyang udeh sempet
berperan serta dalam acare “Surat Buat Enyak” siap-siap yee Aliza bakal bagi 1 paket
kado dalam bentuk 1 handphone plus sim cardnye dan udah diupload ame RBT single
terbaru Aliza pula. Wuiihhh lengkap kan.
Jadi nyang ngerasa udeh kirim surat
siap-siap yee, kali aje hari eni adalah hari keberuntungan buat Abang None hehehe….Mengkenye Abang None, nyang belon sempet kirim surat, buruan kirim… Masih ade beberape
hadiah menarik lainnye lho.. Ditunggu yee Surat Buat Enyak-nye via pos ke Bens
Radio, Jl. Jagakarsa No. 39 Jakarta Selatan, jangan lupa tulis di pojok kiri
sampul suratnye Surat Buat Enyak.
Jangan lupa Abang None, suratnye kudu tulis
tangan… kalo belon jelas juga, pantengin Bens Radio 106.2 FM Betawi Punye Gaye.
Pantengin juga ye Begaul ame Aliza malem eni. Buat nyang blom sempet kirim
surat dan pengen dapet hadiah dari Aliza kirim pertanyaan dan komentar abang
none via FB, Twitter, atawe BB-nya Bens Radio. Buat nyang diluar kota atawe luar negare ikutan
via www.bensradio.com yee, nyok nyok
nyokk..
(ND)
0 komentar