Abang None, Kamis malem pade anteng ye dengerin #Begaul. d'Bagindas mau namu neeeehhh..
Malem eni Ifan Aga bakalan kedatengan temen-temen dari D'Bagindas, buat ngobrolin single barunye nih Abang None.. Di dalem sebuah hubungan percintaan,
ude pasti ada salah satu pihak yang punya cinta lebih besar dari
pasangannye. Nah, tapi pernah gak Abang None ade dalem hubungan yang bertepuk sebelah
tangan? Cinta yang ude besar banget kite kasih ke pasangan namun gak ade balesan secuil pun. Hnaaah.. liwat lagu ‘Hidup
Tapi Mati’, d’Bagindas pengen nyeritain gimane sih rasanye punya pasangan yang amat sangat ‘dingin’, walopun 100% cinta ude kite kasih ke die. Cianan ye..
Sebenernye sih kisah lagu ‘Hidup Tapi
Mati’ eni lanjutan dari ‘C.I.N.T.A’. Awalnye kite berjuang
dapetin dan bertahan buat setia pada 1 cinta, tapi ternyate semua
perjuangan yang ude kite lakuin itu sia-sia. Walah! Nah, kalo kite gabungin kisah di kedua lagu entu, inti cerita yang bakal kite dapet adalah : perjuangan dalam suatu hubungan cinta harusnye sih gak cuman dilakonin ame 1 pihak aje.. karena, balasan yang bakal didapet bisa jadi
amat sangat menyedihkan.. ck ck ck.. yaentu pasangan kite sama sekali gak nganggep kite ade. Nah loh.. kalo ude gini, kite bakal keperangkap di satu hubungan yang
diibaratin Hidup Tapi Mati. Beuh.. arransemen musik Hidup Tapi Mati eni kendiri lebih berat ngarah ke pop, dengan dominasi
suara gitar ame keyboard. Jreeengg..
Yang mau nanya-nanya siap-siap di fanpage Bens Radio 1062 Jakarta atawe twitter di @BensRadio, atawe kalo belon add bbmnye, add aje pin kite di 28C83E78. Pengen langsung ngobrol, bisa ke 7870760 yeee.. Nyok nyok nyoook..
(TrinityOptima/RPS)
0 komentar