Abang None Ncang Ncing Nyak Babe demen masak-memasak? Atawe
ngefans ame girlgroup S.O.S? Nyok simak artikelnye sebelom ntaran kita nongton
tayangannye di tipi..
Hari Kamis di bulan Maret, serombongan girlgroup asli Indonesia nyang ikut pendidikan ame pelatihan
(diklat) di Korea, ngemasukin studio Bens Radio. Walopun mereka baru akan
siaran jam 1 siang di acare Temenan, tapi mereka udeh sampe kantor Bens Radio
jam 8 pagi kurang. Hebat yang Abang None. Lebih dari on-time.
Kegiatan S.O.S seharian entu banyak banget, mulai dari
make up, briefing, ampe urusan syuting buat acare Kejutan Koki, tayangan
masak-memasak di stasiun televisi BChannel. Di sela-sela (itu bagian dari
shooting juga sih) shooting, S.O.S melakukan siaran di acara Temenan spesial
jam 1-2 siang nyang dikawal ame penyiar Mpok Puspa ma Bang Jabrik.
Biarin Abang None kagak penasaran, nih kite kasih unjuk
beberape foto selame syuting Kejutan Koki di Bens Radio. Di foto entu, Abang
None bise liat pegimane Glenn, host acare Kejutan Koki lagi masak bareng
personil S.O.S, ade kegiatan siaran bareng penyiar Bens Radio ame S.O.S nyang
lagi promoin lagu baru mereka berjudul Drop It Low, ade pula hasil masakan
nyang yang dibuat sama Glen dan S.O.S, dari bentuknye sih so yummy, ade
kegiatan icip-icip juga, penyiar kite juga ikutan nyicip loh. Trus bang Jabrik
(penyiar bens) disuapin ame salah seorang personil S.O.S, jangan ngiri yeh. Closing acara S.O.S yanyi acapella buat Kejutan Koki.
Naahh kalo Abang None jadi penasaran, saksiin aje tayangan
Kejutan Koki edisi spesial S.O.S dan Bens Radio, cuma di BChannel, Minggu, 7
April 2013 jam 11.30 WIB. Jagain tanggal jam tayangnye, jangan ampe
ketinggalan. Hehe. (ND)
0 komentar