Setelah 17 tahun berkarya dan ngeluarin hits-hits yang nongkrong lama di chart-chart bergengsi musik Indonesia, Glenn balik lagi nih ngeluarin karya-karya yang bikin kite merinding! Bukan cuman lantaran suaranye yang bikin adem, tapi juga lirik-lirik lagu ame musiknye yang.. cocok banget didengerin di musim ujan begini! Hehehe..
Album Luka Cinta & Merdeka punya jagoan yang ude keluar duluan, hits Luka & Cinta. Nah, belon puas tu lagu nongkrong di tangga lagu radio-radio di Indonesa, Glenn ngeluarin lagi hits selanjutnye, Malaikat Juga Tau. Lagu eni ude duluan mampir ke kuping kite lewat vokalnye Dewi Lestari. Kayak gimane sih aransemen ulangnye Glenn bawain ni lagu? Bocorannya sih, lebih energik, lebih eksklusif karena cuma pake 1 alat musik aje, plusss lebih nyaman.
Hmmmm.. jadi penasaran nih. Nyok dah kite Temenan ame Glenn Fredly, Senin 26 November 2012 jam 11 siang! Mampir juga ke fanpage kite Bens Radio 1062 Jakarta atawe twitter kite di @BensRadio. Telpon langsung buat ngobrol ame Glenn Fredly di 7870760, atawe liwat BBM di pin 28c83e78.
Nyok nyok nyooook!
0 komentar