Ngemilikin bakat atawe talenta sebagai musisi belon tentu bise mengajarkan ke orang laen Abang None, begitu pula sebaliknye. Nah nyang atu eni ya musisi, penyanyi, juga pengajar. Bise keliling luar negeri pula. Penasaran ame resepnye? Nyok pantengin Temenan siang eni.
Penyanyi nyang lagi kite rumpiin eni namenye Revo Marty, Abang None. Pria berdarah Sulawesi Utare kelahiran Jakarta 31 Oktober 1985 entu, sedari kecil deh tertarik ame dunia seni. Maklum Abang None, keluarga Bang Revo hari-harinye full music, hahay kaya bus malem aje yee.
Sejak sekolah dasar ampe kuliah, Revo aktif di kegiatan bermusik. Sering juga ngikutin macem-macem kompetisi musik nyang udah membawanya keliling Indonesia ampe luar negeri, sebut aje bise ke Taiwan amp eke Amerika Serikat, dan laen-lainnye.
Saat eni, hari-hari si Bang Revo eni adalah mengajar di Al Azhar Music Class sebagai guru vocal & band dari tahun 2009 ampe sekarang.
Nah, ngomongin debut single Revo Marty eni Abang None, ternyata pengidola The Beatles, Stevie Wonder, ame John Mayer entu menyanyikan ulang lagu ciptaan Yovie Widianto. Sebuah lagu nyang sempet dinyanyiin ame grup vocal Elfa’s Singer taon 1998. Lagu nyang berjudul Selamat Malam Kekasih eni diaransemen ulang ame salah satu aranjer tername negeri eni, Bang Andi Rianto.
Okelah Abang None, kalo penasaran lebih lanjut ame Pak Guru nyang ganteng eni, jangan ampe ketinggalan buat pantengin obrolan Mpok Puspa dari Bens Radio ame Revo Marty cume di Temenan, Kamis, 18 Oktober 2012, jem 1-2 siang. Kupingin siarannye di Bens Radio 106.2 FM atawe www.bensradio.com. Bise juga nikmatin via winamp dengan mengklik alamat berikut: http://175.103.58.72:8000/listen.pls . Jangan lupe ye Abang None, komentar ame pertanyaan via sms (9123), telpon (021-7870760), twitter (@bensradio) ame fb (bensradio 1062 jakarta), bakalan dapet oleh-oleh menarik dari Revo Marty. Stay tune!
(Nd)
0 komentar