Abang None demen ame lengkingan Lady Rocker nyang atu eni? Atawe Abang None ngefans ame sejumlah hits single-nye nyang hampir semuanye sing along? Apapun kedemenan dan kekangenan Abang None pada Lady Rocker nyang atu eni, nyok kite pantengin acare Begaul malem eni.
Kalo Abang None lalu bertanya, ade ape di Begaul Bens Radio malem eni? Pastinye ade rencana kehadiran si Mpok nyang atu eni Abang None. Yup, Mpok Nicky Astria nyang terkenal bener ame sejumlah lagu-lagunye seperti Jarum Neraka, Tangan-Tangan Setan, Uang, ampe sejumlah lagu enak seperti Bias Sinar, Mengapa, dan sejumlah lagu lain dari taon 1984 ampe taon 2003 bahkan nyang terbaru saat eni: Carry On.
Hampir puluhan lagu ude dia hasilkan dan tentunye ratusan hits udeh dia lahirkan. So, buat Abang None nyang belum kenal betul tapi pengen menggali pengalaman sebagai solois khususnye jadi Lady Rocker, jangan ampe ketinggalan. Jagain ye jem siarnye, cume di acare Begaul Bens Radio, Senin, 15 Oktober 2012 jem 7 malem WIB.
Siapin dah tuh pertanyaan ame komentar nyang menarik buat Lady Rocker nyang lahir di Bandung, 18 Oktober 1967 eni. Sebab si Mpok nyang ngemilikin name lengkap Nicky Nastitie Karya Dewi entu bawa sejumlah oleh-oleh menarik nyang bakal dibagi buat 5 Abang None nyang beruntung.
So, siapin ye komentar dan pertanyaan Abang None, lalu simak juga siaran Bens Radio di 106.2 FM atawe www.bensradio.com. Bise juga klik http://175.103.58.72:8000/listen.pls . Nah sambil pantengin obrolan nanti, kirim dah tuh pertanyaan ame komentar menarik buat Nicky Astria via sms (9123), telpon (021-7870760), twitter (@bensradio) ame fb (Bens Radio 1062 Jakarta). Nyoookkk!
(Nd)
0 komentar