Abang none udeh tau pan ade lagu baru nyang judulnya Titik Noda? Yup, entu lagu emang baru aransemen ame suara penyanyinye, aslinye sih lagu taon 70, whaaaa legend yak...
 |
| Nat |
Penasaran ame siapa penyanyi lagu Titik Noda eni? Kalo penasaran, pantengin dong Bens Radio 106.2 FM, jagain tanggal siarnye, hari Senin, 11 Juni 2012 jem 13.00 atawe jem siang di acare Temenan.
Abang none bise nanya-nanya sejak kapan gadis cantik kelahiran Manado 25 Desember 1992 entu belajar nyanyi, lalu kenape milih lagu Titik Noda eni buat di-cover version. Bahkan nyanyinya pernah di negara Jepang lho. Waaahhh.. Abang none nyang di Jepang juga bisa lho live streaming di www.bensradio.com, kali aje ade temen Nat nyang misih tinggal disono dan pengen melepas rindu haha...
Gimane juga pendapat Nat tentang band legend bernama D'lloyd nyang kebetulan salah satu personilnye minggu kemaren eni tutup usia. Pasti ade kesan yee, pan salah satu hit single band entu dinyanyiin ulang ame Nat? Abang none boleh nanya apa aja, tentunya kagak boleh sara dan saru ye hehe. Pertanyaan nyang menarik akan dipilih buat dapetin suvenir dari Nat.
So, jangan ampe kagak denger ye obrolan Bens Radio ame Nat nyang nyanyi single Titik Noda. Cocok paaan buat nemenin suasana hari-hari belakangan eni nyang mendung melulu, hahay.. So, stay tune... Nyooookkkk
0 komentar