 |
| Uwie Rogaye & Jabrik The Pitoeng |
Begaya Senin 11 Juni 2012 masih barengan Uwie Rogaye ame Jabrik The Pitoeng, dan dimandorin ame Mpok Ratih a.k.a Ketua Panitia (gara-gara suka pake jaket yang ade tulisannye Panitia. Nasib..nasib). Ade ape aje ye kali eni?
Nyang selalu ade, pastinye rangkuman headline penting pagi eni di Pagi-Pagi Baca Koran alias Pacaran, Nyak Iis alias Nyanyi Iseng-Iseng, dimane kite senandungkan lagi lagu-lagu Babe dimari bareng kru Begaya, dan yang pasti ade Pos Dongkol di segmen terakhir buat yang lagi dongkol gara-gara ape aje. Mr. Jabrik yang dibantu ame Emon bakalan ketemuan ame Mpok Mirah yang doyan dongkol, tapi rempong! Hahaha..
Fakta Asik edisi kali eni masih ade angka 5 nye. Maklum, angka bagus buat Bens Radio - Etnikom Network. Kenalin 5 sinyal yang nandain kite kurang tidur. Jangan sampe kebablasan dan anggep remeh. Kerjaan bisa buyar gara-gara kurang tidur..
Topik anget di jam ke-2 bakalan ngangkat tentang Parkir Liar. Penting kite omongin nih, secara bulan eni bulannye Jakarta, dimana bakalan banyak acara-acara semarak ultah Jakarta yang bakalan butuh banyak lahan parkir. Kalo lahan parkir lebih kecil daripada jumlah pengunjung satu tempat, akhirnye bikin juru parkir kreatif, maen pake lahan publik buat parkir.
Mangkenye kite bilang juga ape, parkir dulu aje di Begaya, jam 6 ampe 10 pagi.. gak rugi buat nyemangatin hari Senin nye Abang None!
(RPS)
0 komentar