Di Begaya Selasa tanggal 3 April 2012 ade ape ye? Eni die bocorannye..
Pagi-pagi entu bawaannye jangan surem mulu.. kudu dibawa seneng, biar ngejalanin sisa harinye kaga jadi beban. Mau tau cara bikin mood kita naek? Olahraga! Lah, olahraga doang mah buat nyehatin badan, ape hubungannye ame bikin seneng? Mangkenye pantengin Begaya, di Fakta Asik Pagi Hari, Arya ame Uwie bakalan kasih tau olahraga ape aje yang bisa bikin kita hepi.
Abing naikin mood kendiri dengan berolahraga ame dengerin Begaya, nyok kita naikin mood orang lain, bahkan nyang kaga kita kenal. Keitung pahala lho, coba aje tanya Mamah Dedeh, hehe.. Salah satu cara yang dipilih buat ngebahagiain orang lain mungkin sering juga dilakuin ame Abang None, terutama pas lagi berenti di lampu merah. Suka ade kan tuh yang tiba-tiba bunyiin kecrekan dari tutup botol, entah nyanyi entah cuma mangap-mangap, intinya minta dikasih beberapa rupiah..
Sering dilema kaga sih Abang None, kalo nemuin yang begitu? Pengen ngasih, tapi takut gak ngedidik biar dapet uang dengan cara yang lebih bermanfaat lagi. Gak ngasih, takut itungan pahala di akhiratnya kurang.. Gimana dong? Ada beberapa Abang None yang juga milih ngasih dalam bentuk makanan atau apapun yang bisa kasih manfaat. Tapi balik lagi pertanyaannye. Sebaiknya kita harus ngasih uang gak sih kalo ada yang minta-minta terutama di lampu merah? Denger-denger mereka sebenernya sejahtera dari penghasilannya meminta-minta sampe punya rumah di komplek segala? Alamak..
Seru nih kayaknya ye Begaya Selasa, soalnye selaen dua yang barusan dibocorin, yang jelas masih banyak konten yang bikin rugi kalo diliwatin.. jangan ketinggalan ye, jam 6 ampe 10 pagi, bareng ame Arya Tanjidor (@arya_tanjidor) & Uwie Rogaye (@uwiefitriani), dimandorin ame Mpok Ratih (@Rrrrratih) & dioperatorin ame centeng studio kita, BK alias Budi Kecil (@budbud__).
Wassalam!
Fanpage : Bens Radio 1062 Jakarta
Twitter : @BensRadio
0 komentar