Salamlekom!
Abang None di lime tanah Betawi dan sekenanye, bocoran Begaya balik lagi nih. Kali eni bakalan ngasih intipan isi Begaya Kamis, 22 Maret 2012. Nyang nyiar masih Arya Tanjidor (@arya_tanjidor) ame Uwie Rogaye (@uwiefitriani), masih dimandorin ame Mpok Ratih (@Rrrrratih), ame BK (@budbud__) nyang jadi centeng studionye.
Aer. Sape coba nyang kaga butuh banget ame ciptaan Tuhan nyang atu eni. Semua penyiar Bens Radio pastinye pada mandi sebelon siaran (eh iya kan?). Insya Allah mandinye pasti banget pake aer. Abis makan siang, kita juga butuh aer, kecuali mau seret-seretan di kerongkongan. Pokoknye kegunaannye krusial banget dah buat kelangsungan idup kita. Tapi jangan cuman tau makenye doang.. tau kaga kalo aer yang kita pake sekarang entu, entah buat minum atawe mandi, entu bisa jadi aer yang sama yang dipake ame Pangeran Diponegoro buat nyuci baju? Di Begaya Kamis banyak fakta asik tentang aer yang kudu Abang None tau..
Kemudian eh kemudian, ngobrolin air siapa yang tau tanggal berape hari air sedunia? Ya tanggal 22 Maret lah! Pas banget ame hari Kamis eni.. Mengkenye Begaya kali eni bakalan ngebahas Hari Air Sedunia, yang kebetulan tema taun eni yaentu "Air dan Ketahanan Pangan". Abang None ude make aer dengan bijak belon hari eni? Nyok ikutan ngobrol ame kita di Begaya. Maen aer kita..
Kaga cuman aer doang di Begaya Kamis. Banyak lagu enak, info-info asik lainnye, yang rugi banget kalo diliwatin. Pengen bikin hari Kamisnye Abang None semangat? Ya pantengin kita, mulai jam 6 ampe 10 pagi yeeee.. Nyok nyok nyoook!
Wassalam!
Fanpage Facebook : Bens Radio 1062 Jakarta
Twitter : @BensRadio / @BukaPintuBegaya
0 komentar