Temenan edisi Senin 27 Februari 2012 kali eni masih barengan Puspa Baresi, dimandorin ame Mpok Ratih lagi, a.k.a Ketua Panitia.
Abang None, Ncang Ncing, ame Nyak Babe, nyang lagi butuh duit atawe lagi kepengenan cari barang, ude kesana kemari belon berhasil juga, kemari dah ngerapet.. bakalan ade Bejubel seperti biase, Berita Jual Beli, dimane Abnon bisa ngasih tau lagi jual ape, mau beli ape, jangan lupa spesifikasinye tulis juga dan yang paling penting, nomor kontaknye kemane.. Mpok Puspa bakalan nyampein di udara atu-atu dah tuh..
Abis cari duit, Abnon bakalan kita kasih kesempatan buat rikues lagu kesukaan, sambil nemenin makan siang di Dedemenan alias Detik-Detik Nemenin Makan Siang. Siapin lagu ape yang mau Abnon dengerin pas lagi makan siang, terus besok kasih tau Mpok Puspa aje di SMS 9123 ketik BR1(spasi)nama#umur#alamat#rikues ape.. atawe liwat fanpage Bens Radio di Bens Radio 1062 Jakarta, ame twitter di @BensRadio.
Selaen entu masih banyak juga info-info menarik seputaran kesehatan, hal-hal unik, ampe urusan makanan.. ah banyak lah pokoknye, kaga seru dijembrengin sekarang dimari.. Pokoknye kudu PANTENGIN.. jam 10 pagi ampe jam 2 siang.. Nyoknyoknyook!
0 komentar