Dateng nyok ke 22 Tahun Bens Radio "More Batavian More Jakarta"

5 Maret 1990 Bens Radio resmi mengudara dengan nama PT. Radio bergaya Nyanyian Irama Sejati atawe yang selama eni dikenal dengan Bens Radio. Tahun 2012 eni Bens Radio memasuki usia 22 tahun.

Abang none, sebagai wujud syukur,  Bens Radio mau ngajakin abang none same-same seru-seruan di acara "More Batavian More Jakarta". Selama kurang lebih 5 hari berturut-turut mulain tanggal 2 Maret ampe 6 Maret, Bens Radio bakal siaran ditemanai kurang lebih 22 Narasumber, mulain dari tokoh masayarakat ampe orang beken yang lagi digandrungin ame abang none sekarang eni.

Rangkaian acara siaran bareng eni dikasih tema "More Batavian More Jakarta" dan khusus tanggal 5 Maret atawe tanggal Ultahnye, Bens Radio bakal siaran live dari cafe atawe Warungnye Bens Radio di halaman bekalang Bens Radio dan abang none bisa dateng nyaksiin langsung serunya siaran kita dari pagi ampe malem.

Siape aje yang bakal dateng dan siaran bareng di Bens Radio? Nyok kite intip catetan produser.  

Hari Jumat tanggal 2 maret 2012, Begaya pagi bakal dibuka ame mantan gubernur DKI yaentu Bang Sutiyoso jam 8-9 pagi, abis entu jam 9 paginye kite bakal manjain abang none yang cinta banget ame bintang iklan lucuuuu yang lagi jadi favorit. Ya, Avika Oreo. Die bakal nongol di jam 9-10 pagi. Seudeh makan siang abang none bakalan ketemu ame Komunitas Slanker yang dipandu ame Puspa Baresi di acara Temenan jam 13.00-14.00 WIB disusul ame talkshownye RCTI seputar audisi OLI alias Orang Lucu Indonesia  jam 3-4 sore. Kaga cuman entu, sore harinye jam 5-6 sore, ada si cantik Angel Lelga yang siap nyapa abang none di Angin Sore. Pindah ke Begaul, tamu kite jam 7-8 malem adalah Band Slide Pony dan malem harinye Pak Lurah Cilandak bakalan nimbrung di acara Ngeronda.

Hari Sabtu, 3 Maret 2012, Komunitas OI ngebuka rangkaian siaran "More Batavian More Jakarta" hari kedua di Begaya weekend jam 9-10 pagi, disusul siangnya Fitri Carlina yang sengaja nongol di Delman. lanjut ke sore, ade Komunitas Honda Tiger yang konvoi di Angin Sore dan yang ngeronda malem minggu eni adalah Pak Lurah Jagakarsa.

Hari ke 3, atawe Minggu tanggal 4 Maret 2012 Brutal Band  siap bikin anget suasana Jebol atawe Jamnye Begaul Rock'n Rollnye Bens Radio jam 7-8 malem, disusul ame kehadiran Paquita Wijaya di acara laper Hits jam 9-10 malem. Siapa yang ngeronda malem eni? Ade Bapak Camat Jagakarsa yang bakalan nemuin abang none.

Tiba di hari ke 4 atawe tepat di tanggal Ulang Tahunnye Bens Radio tanggal 5 Maret 2012 siaran "More Batavian More Jakarta" kite gelar khusus dari halaman belakang alias cafe alias warungnye Bens Radio. 

Suasana anget pagi hari dimulain di Begaya jam 8-9 dengan nongolnye para personel the Sabeni yang bakal bawain lagu-lagu Benyamin S. Masih di Begaya, suasana anget tambah anget dengan hadirnye si eneng cantik yang paling demen bikin heboh yaentu Julia Perez jam 9-10 pagi. {indah jam, pindah acara ke Temenan ada Trans7 yang bakal ikut ngeramein siaran "More Batavian More Jakarta" jam 10-11 siang bareng ame PR nye yaentu mpok Anita Wulandari, disusul ame obrolan Bang Faisal - Biem jam 11-12 siang.  Selepas makan siang, acara kite lanjut lagi, temenan bakal diramein ame tamu kite yaentu Cokelat.

Pindah ke sore di Pantun Ceplas Ceplos yaentu jam 2-3 sore bakalan ade Tiga Madu, sementara sorenya, komedian senior Krisna Purwana ikut nimbrung di Angin Sore. Bagaimana dengan Begual? Tenang, ada Gavin MJ yang bakalan siap tongkrongin acara Begaul jam 7-8 malem, disambung ame obrolan bareng PR nya RCTI yaentu mpok Sari Rachtia jam 8-9 malem dan Batavian, babe kite siap ngobrol lagi di Batavian, siape lagi kalo bukan Babe Ridwan Saidi.

Udah selesai? Belom abang none, masih ada hari ke 5, yaentu hari Selasa, tanggal 6 Maret 2012. Jam 9-10 pagi, tamu spesial  di Begaya Selasa yang bakal dateng adalah Menteri Sosial RI yaentu Babe Salim Asegaf dan sore jam 2-3 sore, kite berkesempatan buat ngobrol ame Mpok Inul Daratista, terus malemnye di begaul bakalan ada NAIF.

Nah, entu dia abang none, tamu-tamu yang bakalan turut serta nge-rame-in acara siaran "More Batavian More Jakarta" mulain tanggal 2-6 Maret 2012.

Abang none yang kepengen ketemu langsung ame mereka, nyok dateng langsung aje ke Bens Radio, khususnya tanggal 5 Maret 2012 kite bakal siaran live dari Warungnye Bens Radio, Jl. Jagakarsa No. 39 Jakarta Selatan.

Kita tunggu ye, nyok nyok nyooook...!