Banyak yang bakalan Abang None lewatin kalo kaga mantengin Begaya Selasa, 28 Februari 2012. Salah satunye yaentu Fakta Asik Pagi Hari, nyang bakalan ngungkap fakta-fakta ruti gandum. Waduh, roti apaan lagi tuh aye taunye ruti cokelat jualannye Mpok Mimin tu Mpok, pegimane? Mangkenye pantengin.. jangan berisik..
Belon lagi segmen Ngebangunin Pagi. Di Begaya edisi kemarenan kita sukses bikin banyak dari Abang None bangun dari tidurnya.. nyang sekarang berhasil kaga ye? Cari tau apa si korban adalah salah satu dari orang nyang Abang None kenal..
Nyang anget kali eni terpilihlah topik tentang gizi. Wih.. ade ape sama gizi? Naaah, pada banyak nyang kaga tau pasti nih, hari eni bukan sekedar hari Selasa biasa, tapi adalah juga Hari Gizi Nasional Indonesia! Keren kaga tuh.. jangan keren-keren aje.. gizi masyarakat Indonesia kendiri keren kaga? Kalo masih banyak nyang sakit gara-gara gizinye kurang, ntu kaga keren.
Mangkenye kita ntar bakalan ngobrol juga ame salah satu dokter nyang juga ahli gizi nyang juga wakil dari Ikatan Dokter Indonesia..
Trus.. eh, udah ah.. kalo kebanyakan dibocorin jadi kaga asik, hehe.. kebayang dong tadi baru sedikit dari banyak rangkaian menarik di Begaya Selasa, 28 Februari 2012. Nyok pantengin! Begaya Selasa cuman barengan Arya Tanjidor & Uwie Rogaye, masih dimandorin ame aye, Mpok Ratih. Tabe!
0 komentar