Selain persoalan sampah, di pasar Ciputat masih ade lagi persoalan yg kudu disikapin, salah satunye kesemrawutan para pedagang ame tukang ojek yg mangkal kaga tertib. Dari pantauan Bens radio, banyak para pedagang yang seringkali jualan di bibir jalan. Padahal tempat atawe lokasi yg semestinye, udeh disiapin di dalem pasar ame pemerintah kota Tangerang Selatan, bukannye di luar alias di bibir jalan yg menggangu jalan umum untuk lalu-lalang kendaraan. Mangkalnya ojek setiap hari juga bikin bibir jalan tambah sempit bahkan sudah makan badan jalan hingga cuman setengahnye yang bisa dilaluin kendaraan.“Ah kalo pagi semrawut mas, saya suka muter jalan dari Nusa Indah lewat kampung sawah aje dah, abis dagang di pinggir jalan sih, bikin macet aje” entu yg dibilang mpok Endang warga Serua-Ciputat. Lain lagi komentar Agus, warga Kedaung bilang, “Ciputat pasarnye mingkin ketengah aje bang, kalo naik motor saya suka ambil kanan aje".
Semantara entu pantuan Bens radio terkait pembenahan Pasar Ciputat, seringkali Satpol PP beserta Jajaran Pemkot Tang-sel ngadain penertiban pedagang ame tukang ojek di pinggir jalan pasar Ciputat, tapi seudeh entu kaga lama berselang atawe sekitar 1-2 hari, pedagang sayuran ame buah juga tukang ojek balik lagi ke pinggir jalan alias dagang ame ngetem di bibir jalanan.(AA-BR)
0 komentar