Entah kebetulan atawe memang sebuah kesengajaan Abang None, rapper
nyang atu eni emang lair di Tane Betawi. Tapi lantaran SMA-nye di Amerika,
belajar ngerapp-pun bise dilakukan langsung, antara laen dengan banyak nongton
konser dari para rapper kelas dunia entu. Penasaran lanjutannye? Nyok kite
ngobrol di Begaul en malem.
Menurut Jupiter, sebagai
seorang rapper, ia memiliki beberape karakter. Contohnye nih abang none: Big,
Powerful, Bold, Intimidating, and Intense. Gitu katenye, hehe. Latar belakang Jupiter sih aslinye adalah dunia olahraga dan powerlifting,
bahkan lewat olah raga pula Abang None, Jupiter sempat menjadi juara kedua di cabang
olahraga gulat semasa SMA di Dallas, Texas, USA sono.
Jupiter memang selalu tampil ame gaya dan
lirik yang unik dan berbeda. Meski dunia olah raga sempet menjadi media
untuknye berprestasi, namun rapper kelahiran Jakarta tahun 1986 nyang besar di negare
bagian New Jersey dan Texas, Amerika Serikat entu ngemiliki keinginan buat terjun ke dunia musik sejak masa kecil,
tepatnya di tahun 1994 ketika Jupiter menyaksikan sendiri kehebatan rapper
ternama saat entu, yakni Notorious B.I.G.
Walaupun begitu Abang None,
Jupiter misih lebih memilih karir di bidang olahraga semasa sekolah dan powerlifting
setelah lulus SMA, dan aspirasi menjadi artis rapper baru terwujud di tahun
2012, tentunye lewat single pertamanya, “Let’s Ride,” nyang udeh sering Abang
None kupingin lewat Bens Radio.
Lagu nyang berkisah tentang berbagai
sisi Kota Jakarta entu memang sesuai ame ciri khas Jupiter nyang berani tampil
apa adanye, memotret sisi Jakarta nyang penuh macet, wanita cantik, kemewahan,
kebanggaan kota Jakarta, pamor dan glamor, sampai ke urusan hiburan malam.
Rapper nyang udeh ngemilikin
beberape single entu juga ngemilikin rencane buat beberapa bulan kedepan, misalnye
merilis mini-album nyang sengaja dibuat lantaran request dari penggemar lagu
Jupiter dan full-album yang akan dirilis dan diedarkan di tempat penjualan CD,
sekitar akhir taon 2013.
Nyang
pasti, Jupiter ngajak Abang None buat ngobrol di acare Begaul Bens Radio malem
eni, Senin, 14 Januari 2012 jem 19.00-20.00 WIB. Pastinye di Bens Radio 106.2
FM Betawi Punye Gaye. Abang None kite persilakan buat ngobrol ame Jupiter via telpon
(021-7870760), atawe kasi komentar dan pertanyaan via sms (kirim ke 9123 tarif
500 rupiah / sms), BB (invite BB Bens Radio 28C83E78), twitter @bensradio atawe
via FB (Bensradio 1062 Jakarta). Buat abang none nyang diluar kota/pulau atawe
negare, silakan klik www.bensradio.com
atawe juga http://175.103.58.72:8000/listen.pls.
Kite tunggu ye atensi abang none… Tentu ade souvenir menarik buat Abang None nyang
beruntung. Nyok pantengin…. (ND)
0 komentar