Acare Bagaul Bens Radio malem eni rencananye bakal kedatengan tamu nyang baru pertame kali nyanyi, Abang None. Kisahnye bise rekaman pun bise dibilang lucu dan bahkan bikin kite geleng kepala.
Perempuan bername asli Sheryl Geting nyang akrab disapa Shae eni bise nyanyiin lagu beraliran ape aje lho Abang None. Mulain dari pop, rock n' roll ampe R&B. Dan entu ade di album perdana sekaligus terbaru dari Shae nyang memulai debut karirnya di tahun 2012 eni. Di album perdana Shae pula terdapat 8 lagu dengan hits perdananye, Kok Telfon Telfon Sih.
Soal cerita pegimane masuk studio rekaman, sebaeknye Abang None denger aje langsung yee dari None cantik berdarah Australia (ayah) dan Riau (ibu) eni. Album Shae kendiri dibantu ame beberape musisi seperti Posan dari band Winner.
Karakternye nyang cukup berbeda dari sejumlah pendatang baru lainnye, membuat Shae ngemilikin potensi nyang kagak dimilikin ame penyanyi laen. Naahh daripade mingkin penasaran, nyok pantengin Begaul malem eni. Ade 3 cd album Shae nyang bakal dibagiin buat Abang None nyang kasi komentar ame pertanyaan menarik. Buat nyang diluar kota atawe diluar negeri, tetep boleh ikutan lho… Masa nanya doang kaga boleh sih hehehe…
So, pantengin Begaul Bens Radio malem eni, Senin, 22 Oktober 2012 mulain dari jem 7 malem. Catet ye abang none, cume di Begaul Bens Radio 106.2 FM Radio Betawi Atu-atunye. Live streaming di www.bensradio.com atawe http://175.103.58.72:8000/listen.pls . Kirimin juga komentar dan pertanyaan abang none via sms 9123, telpon (021-7870760), twitter (@bensradio) ame fb (bensradio 1062 jakarta). Pantengin… (ND)
0 komentar