Penyanyi nyang atu eni emang aje gile Abang None. Macem-macem pekerjaan sebagai penghibur dilakoninye dalem satu
waktu sekaligus.
Kalo Abang None kite kasih pertanyaan, Abang None mengenal cowo nyang atu eni
sebagai ape? Mingkin aje jawabannye beragam banget. Mulain dari penyiar radio,
presenter acare tipi, MC, maen pilem, dan tentu menyanyi. Kayaknye nyang belon
cume jadi pembaca berita ye hahay…
Single
terbarunye, Kau Selalu Ada, ciptaan Abdul Coffee Theory & Riza eni udeh wara-wiri sebagai materi radio
airplay di sejumlah station radio Abang None. Termasuk di Bens Radio kendiri
tentunye. Single eni seolah jadi penantian panjang seorang Ichsan Akbar nyang
sebelumnye, selame 6 taon udeh berkiprah di dunia entertainment seperti nyang
udeh kite sebut di atas entu Abang None.
Bermodal
prestasi “24 besar Indonesian Idol tahun 2005”, Ichsan Akbar lalu dipercaye ame
musisi-musisi Indonesia buat terlibat dalam proyek album rekaman ampe
soundtrack film. Misalnye, jadi lead vocal album ‘Satu’ Vicky Sianipar taon
2008, bahkan 2 (dua) single dari album entu (Sesal Semu ame Sahabat) sempat
masuk jajaran chart terbaik dan masih
diputar ampe saat ini di radio-radio seluruh Indonesia, teramsuk di Bens Radio
pastinye.
Lalu
seudeh entu Ichsan Akbar disibukkan ame sejumlah rekaman buat macem-macem
project musical. Naah kalo Abang None penasaran lebih lanjut siape dan pegimane
merdunye suare Ichsan Akbar, nyok pantengin Begaul cume di Bens Radio, Kamis, 4
Oktober 2012, jem 19.00 atawe jam 7 malem waktu Bens Radio. Semoga artisnye
kagak ade halangan yee, aamiin… Sebab ade oleh-oleh menarik banget dari Ichsan
Akbar nyang bakal dibagi buat abang none, tentu nyang kasi komentar atawe
pertanyaan paling menarik, via sms (9123), telpon (021-7870760), twitter
(@bensradio) ame fb (Bensradio 1062 Jakarta). Pantengin juga obrolannye di bens
Radio 106.2 FM atawe www.bensradio.com. Bise juga klik
http://175.103.58.72:8000/listen.pls . Pantengin...
(Nd)
0 komentar