Lirik lagu nyang ade di lagu Mona eni mingkin aje dialamin ame banyak orang. Kisah nyang notabene keseharian eni justru jadi kekuatan buat lagu eni. Nyok kite ngobrol lebih jauh ame Monalisa di Temenan siang eni.
Abang none mingkin aje masih inget ame salah satu Top 12 Indonesian Idol season 6 – 2010 nyang nama lengkapnye Monalisa Gina Lengkong atawe biasa dipanggil Mona.
Perempuan kelahiran Manado, 24 Maret 1989 eni emang lagi promoin debut singlenye abang none. Lagu berjudul “Cerita Luka” diciptain sekaligus diproduserin ame Rayenpono, entu tuh eks duo Pasto.
Menurut Mona, abang none, lagu eni merupakan curahan hati nyang pas banget buat dirinye. Lantaran Juara 1 Lomba Bintang Radio tingkat Sulawesi Utara taon 2008 eni emang sempet ngemilikin kisah cinta nyang berujung kisah luka.
Oke deh abang none, kali emang abang none penasaran ame Mona atawe pengen berbagi ilmu berolah vocal jagain ye jem ame tanggal siarnye, di Temenan siang eni jem 13.00 WIB, Senin 3 September 2012. Nikmatin daaahh tarikan vocal Monalisa nyang juga sempet menyabet gelar Juara 3 Bintang Radio tingkat Nasional di taon 2008 eni. Monalisa juga bawa souvenir buat 3 abang none nyang beruntung. Mengkenye pantengin, sekaligus kasih pertanyaan menarik via FB atawe Twitter Bens Radio, nyookk…
0 komentar