None muda berumur 14 taon eni emang
multi bakat. Tampilannye pun ape adenye. “Sesuatu” nyang langka buat solois
perempuan Indonesia, gini ari.
 |
| sheryl sheinafia |
Coba
abang none tengok sejumlah majalah musik atawe situs hiburan di internet.
Belakangan, info penampilan bahkan liputan kehidupan personil boyband ame
girlband atawe grup vocal entu misih banyak aje. Belon liputan penyanyi nyang
senior-senior. Eni baru dalem negeri, abang none. Blom produk luar. Rata-rata,
mereka rela ngabisin bujet ampe tak terhitung jumlahnye buat make up, kalo
perlu make over ampe ke LN daahh. Kadang gak kaget lagi ye kalo liat satu-dua artis
atawe anak band nyang awal penampilannye biasa banget, belakangan jadi lebih
kinclong hahay… kan maen daahh..
Nyang
kadang bikin miris adalah, penampilan fisik mereka terkadang lebih heboh dari
usahanye buat ngebikin bagus suara atawe buat ngebentuk karakter vokal mereka.
Ga heran kalo kadang dandannye bikin mate kite demen, tapi pas denger suaranye
langsung, pengen cabut aje dari sebuah pertunjukan mereka. Mmhhh……
Lain
penyanyi, lain juga gaya penampilannye. Kalo abang none termasuk freak ame internet dan apelagi ame
music, rasanye gak mungkin gak tau ame none nyang atu eni. Name lengkapnye Sheryl Sheinafia Tjokro. Kelahiran 4 Desember
1996 eni termasuk solois pendatang baru Indonesia nyang bise dibilang
ngemilikin potensi tinggi bahkan buat bersaing di dunia internasional. Semoga
aje jalannye terbuka ye..
Sheryl
eni abang none, demen ame musik, nyiptain lagu dan juga nyanyiin lagu dari
penyanyi lain, tentu dengan aransemen ame gaya dan karakter vocal nyang
disesuaikan ame Sheryl kendiri. Lantaran kalo kudu ngikutin aslinye, Sheryl
ngakuin, pasti bagusan aslinye dong hahaha.. Tapi Sheryl nyang dapet influence
dari sejumlah penyanyi lokal dan internasional entu jelas ngemilikin keunikan
nyang kagak dimilikin ame penyanyi lainnye pula abang none. Salah satunye
mingkin aje seorang penyanyi cilik asal Philipina nyang udeh lebih ngetop dari
dirinye. Siape die? Tanyain langsung aje yee.. Nyang pasti daya tarik Sheryl
emang udeh membuat banyak pihak pengen nikmatin live suaranye. Banyak undangan
live akustikan nyang udeh Sheryl jalanin di sejumlah event di Jakarta. Mangkin
penasaran? Pantengin Bens Radio 106.2 FM, cume di Temenan Kamis, 5 Juli 2012,
jem 1 siang. Nyookkk (ND)
Pengin
gabung disini aja :
Telepon
studio : 0217870760
Fan
Page Facebook : Bens Radio 1062 Jakarta
Twitter :
@BensRadio
0 komentar