Abdul emang musisi multi bakat abang none. Ya nyiptain lagu, nyanyi, ya selalu bikin kejutan dalam berkarya. Ade kabar terbaru ape dari Abdul ame ganknye? Nyok pantengin Begaul Kamis eni.
Abdul & The Coffee Theory. Keduanye udeh lekat ibarat kupi item ame gula sebagai pemanisnye. Pertame keluar album, Abdul misih jalan kendirian, dan lagunye pun ngepop sesuai jamannye. Abang none tau pan lagu berjudul Joss? Nah entu die hit single nyang melambungkan namenye.
Abdul & The Coffee Theory. Keduanye udeh lekat ibarat kupi item ame gula sebagai pemanisnye. Pertame keluar album, Abdul misih jalan kendirian, dan lagunye pun ngepop sesuai jamannye. Abang none tau pan lagu berjudul Joss? Nah entu die hit single nyang melambungkan namenye.
Lalu album berikutnye lebih digarap bernuansa jazzy. Terhitung ampe album terbarunye eni. Dari album kedua ampe album terbarunye eni, Abdul udeh bener-bener “satu paket” ame bandnye: The Coffee Theory. Bahkan ketika ngerilis single duet ame solois pendatang baru, Tya Ariestya pun Abdul mengusung benderanye: Abdul & The Coffee Theory.
Tapi di sela-sela itupun Abdul digandeng solois pendatang baru nyang lain, yaentu Naia. Jadilah keduanye ngerilis single nyang kalo dilihat secara genre bise kite bilang, “bukan Abdul banget deehhh”, hehehe..
Yang pasti abang none, Abdul emang penuh kejutan. Banyak single udeh dihasilkan, salah satunye single pop manis tapi sebetulnye berlirik deep inside. Kagak percaye? Simak daah baek-baek lagu dari solois Nina Tamam “Lollypop Love”. Buat abang none ncang ncing nyak babe nyang udeh berumah tangga atawe setidak-tidaknye udeh ngejalanin sebuah hubungan asmara nyang serius dan berumur panjang pasti lagu ciptaan Abdul entu emang sesuatu yee hahay…
Nah bakal ade kejutan ape lagi nantinye dari Abdul? Panteng terus mengkenye Bens Radio 106.2 FM, atawe abang none bise live streaming di www.bensradio.com, bise juga kalo jaringan interet ente berat, abang none bise buka dari google, yahoo dan lain-lain dengan mengetik alamat berikut eni http://175.103.58.72:8000/listen.pls lalu tekan enter, kemudian open atau save dengan Winamp di komputer abang none.
Buat abang none nyang ngefans ame Abdul & The Coffee Theory khususnye, kite silaturahmi nyok di Begaul sambil ditemenin akustikan lagu-lagu enak dari album terbaru Abdul & The Coffee Theory, (Yang Penting Happy, Lagi-Lagi Kamu, Amazing You dll), hari Kemis eni, 19 Juli 2012, jem 19.00 WIB, ade 3 cd album terbaru mereka nyang bakal dibagi. Cume di Bens Radio 106.2 FM yee… Jangan lupa nyeduh kupi panas dulu buat temen santai abang none, biarin tambah asoy Begaulnye.. Nyookkk…. (ND)
0 komentar