Bocoran Begaya Selasa 12 Juni 2012

Uwie Rogaye & Jabrik Pitoeng

Salamlekom!

Begaya Selasa 12 Juni 2012 masih barengan Uwie Rogaye ame Jabrik The Pitoeng, dan dimandorin ame Mpok Ratih a.k.a Ketua Panitia (gara-gara suka pake jaket yang ade tulisannye Panitia. Nasib..nasib). Ade ape aje ye kali eni?

Nyang selalu ade, pastinye rangkuman headline penting pagi eni di Pagi-Pagi Baca Koran alias Pacaran, Nyak Iis alias Nyanyi Iseng-Iseng, dimane kite senandungkan lagi lagu-lagu Babe dimari bareng kru Begaya, dan yang pasti ade Pos Dongkol di segmen terakhir buat yang lagi dongkol gara-gara ape aje. Mr. Jabrik yang dibantu ame Emon bakalan ketemuan ame Mpok Mirah yang doyan dongkol, tapi rempong! Hahaha..

Fakta Asik edisi kali eni masih ade angka 5 nye. Maklum, angka bagus buat Bens Radio - Etnikom Network. Abang None pasti suka laper kan kalo lagi kerja di kantor atawe lagi kuliah? Mau makan tapi gak mau makan berat, tapi laper, gimane dong? Tenang.. kite ablakin pilihan cemilan sehat yang bisa ngenyangin tapi gak bikin melar..

Topik anget di jam ke-2 bakalan ngangkat tentang Kuliner Jakarta. Masih dalam rangka ulang tahun Jakarta, kalo diinget-inget lagi, dulu nyang namenye kuliner kaga sengetren eni. Sekarang hunting kuliner ude jadi pilihan tujuan jalan-jalan bareng keluarga, temen, atawe pacar. Sekedar pengen nyobain makanan baru, makanan enak, yang dulu cuman sebates masuk perut aje. Sekarang ude betebaran dah.. makanan enak plus unik, yang kaga ade matinye.

Nah kelar nyari cemilan ame hunting kuliner, pantengin dah warung Begaya, jam 6 ampe 10 pagi.. gak rugi buat nyemangatin hari Selasa nye Abang None!
(RPS)