Abang none belon lupa ame solois nyang berstatus bapak muda eni paann? Solois nyang sempet ngerebut jawara kedua (runner up) Bahana Suara Pelajar taon 1992 entu sekarang balik lagi. Nyok kupingin di Temenan Senin eni.
Rio Febrian kembali ngerilis single terbarunye abang none. Judulnye, “Kharisma Cinta” ! Kalo Nyak Babe kite pasti tau daaahh ame eni lagu. Ncang ncing juga pasti kenal begitu kite kasih denger lagu eni. Paling komentarnye, kayak lagu siape yeee? Hahaha….
Di single terbarunye entu, Rio ngajak seorang penyanyi muda bername Margareth buat jadi temen duet, sehingga lagu eni jadi lebih nyaman di telinga, hahay.
Single “Kharisma Cinta” nyang bernuansa pop ballad entu emang sempet kondang abang none, lewat suara penyanyi legend kite, Broery Marantika ame Dewi Yull.
Nah seperti ape sih cerite dibalik pemilihan single eni, lalu gimane proses ijin bawain lagunye dan lain-lain, mengkenye jagain tanggal siarnye, rencananye Bang Rio ame Mpok Margareth bakal ade di Temenan Senin eni, 25 Juni 2012 jem 1 siang. Cuma di Bens Radio 106.2 FM www.bensradio.com, pantengin nyok… (ND)
0 komentar