 |
| penampilan kojek & mantong di HUT 22 Taon Bens Radio |
Abang none nyang ade di kawasan Joglosemar (Jogja Solo Semarang) mingkin udeh akrab banget ame Kijarot (Kill The DJ, Jahanam, Rotra) entu adalah beberape contoh kelompok music hiphop/rapp. Nah, mereka entu juga dikenal dalam sebuah wadah nyang dikasi name Jogja Hiphop Foundation. Lalu di Bandung ade Sundanis. Naahh di Tane Betawi, ade Bang Kojek nyang bise disebut sebagai penggiat music hiphop/rapp. Kojek awalnye jalan bareng ame Okeng. Tapi lantaran keduanya sibuk ame kegiatan masing-masing dan udeh direkrut ame dua major label nyang berbeda, jadi deh jalan masing-masing. Lalu, Kojek dibantu ame Mantong khususnya pada saat off air.
Nah, penampilan keduanye udeh sempet tampil di hajatan 22 Taon Bens Radio di Museum Sejarah Jakarta (Museum Fatahillah) akhir April lalu. Kalo abang none udeh sempet liat penampilan keduanye, pasti kangen dong pengen ngobrol lebih deket, apalagi kalo ente ngaku anak muda nyang peduli budaya. Kali aje Bang Kojek bakalan bagi-bagi sesuatu hehe…
Mengkenye, pantengin dah Temenan siang eni, Kamis 21 Juni 2012, jem 1 siang waktu Bens Radio. Cuma di Bens Radio 106.2 FM Radio Betawi Atu-atunye, atawe live streaming di www.bensradio.com. Jangan ampe menesel… nyooooook…
(teks&foto: NIDA)
(teks&foto: NIDA)
0 komentar