Ganteng, cakep dan pastinye bersuara bagus ame pinter nyanyi. Entulah 5 Romeo. Kalo abang none udeh sering liat penampilan mereka di layar tipi, puas-puasin dah kupingin obrolan mereka dimari, nyookkkkk
Boyband emang banyak abang none. Dan boyband nyang semestinye disebut grup vokal entu normalnye kudu ngemilikin kelebihan nyang bakalan jadi ciri khas mereka. Walopun sebetulnye juga, syarat normal jadi penyanyi ya, kudu bise nyanyi bener, dan juga kagak fals kalo nyanyi live, hahaha, tapi kadang hal-hal penting entu malah terabaikan. Nah, kolaborasi Yovie Widianto Music Factory ame Berlian Entertainment pastinye kagak maen-maen buat menghasilkan penyanyi. Apelagi Kang Yovie Widianto terkenal sangat mengutamakan kualitas produk penyanyinye. Musisi nyang sukses ngegawangin Kahitna selama 26 taon eni juga sukses bareng Yovie&Nuno, dan kali eni melahirkan grup vokal nyang dinamain 5 ROMEO. Catet ye abang none, grup vokal, bukan boyband hahaha. Kalo boyband siiihh anak cowo nyang maen musik dan juga nyanyi, gitu kali ye terminologinye nyang bener, hahay...
Boyband emang banyak abang none. Dan boyband nyang semestinye disebut grup vokal entu normalnye kudu ngemilikin kelebihan nyang bakalan jadi ciri khas mereka. Walopun sebetulnye juga, syarat normal jadi penyanyi ya, kudu bise nyanyi bener, dan juga kagak fals kalo nyanyi live, hahaha, tapi kadang hal-hal penting entu malah terabaikan. Nah, kolaborasi Yovie Widianto Music Factory ame Berlian Entertainment pastinye kagak maen-maen buat menghasilkan penyanyi. Apelagi Kang Yovie Widianto terkenal sangat mengutamakan kualitas produk penyanyinye. Musisi nyang sukses ngegawangin Kahitna selama 26 taon eni juga sukses bareng Yovie&Nuno, dan kali eni melahirkan grup vokal nyang dinamain 5 ROMEO. Catet ye abang none, grup vokal, bukan boyband hahaha. Kalo boyband siiihh anak cowo nyang maen musik dan juga nyanyi, gitu kali ye terminologinye nyang bener, hahay...
5 ROMEO terdiri dari Hendra Purnanto (Pungki), Adhyra Fajar Maulana (Adhyra), Patudu SH 'Manik (Patudu), Gusty Pratama (Gusty), ame Rizky Pratama Putra (Rizky). Mereka entu diseleksi ketat ame Kang Yovie, dan juga tim Berlian. Single pertame 5 Romeo adalah Semenjak Ada Dirimu nyang sempet populer lewat besutan suara penyanyi perempuan bername Andity nyang juga diorbitin namenye ame Kang Yovie. Mereka emang ngebawain lagu-lagu karya Kang Yovie dan beberape diantaranye lagu internasional. Salah satunye single hits grup vokal asal Amerika nyang baru-baru eni manggung di Jakarta, NKOTB. Penasaran paaann? Ssstt suara mereka lebih bagus lho daripade penyanyi aslinye, hahay... Kalo abang none nonton konsernye sih pasti percaya daaahhh...
Rasanye abang none kagak bakalan kecewa dah kalo Temenan ame mereka. Nah biarin kagak ketinggalan, jagain tanggal siarnye dari sekarang. 5 Romeo, rencananye bakal ade di acare Temenan, Senin 18 Juni 2012, jem 13.00 waktu Bens Radio 106.2 FM atawe www.bensradio.com. Jagain mengkenye, stay tune!(ND)
Rasanye abang none kagak bakalan kecewa dah kalo Temenan ame mereka. Nah biarin kagak ketinggalan, jagain tanggal siarnye dari sekarang. 5 Romeo, rencananye bakal ade di acare Temenan, Senin 18 Juni 2012, jem 13.00 waktu Bens Radio 106.2 FM atawe www.bensradio.com. Jagain mengkenye, stay tune!(ND)
0 komentar