Bocoran Begaya muncul lagi nih AbNon. Buat hari Rabu, 16 Mei 2012 eni, masih ade Uwie Rogaye (@uwiefitriani) nyang digombalin mulu ame Jabrik The Pitoeng (@Jabrik009). Bakalan ade ape lagi ye?
Pada girang niye, tanggal 17 Mei eni libur? Belon lagi ade sebagian kantor atawe tempat aktivitas yang cuti bersama di tanggal 18 nye. Naaaah, enaknye kite bahas besok di Begaya. Pasti makin seru. Belon lagi ade tips ngabisin akhir pekan panjang biar gak dilewatin gitu doang.
Ade Pos Dongkol ni AbNon, yang muncul buat nampung dongkolannye AbNon seputaran sarana prasarana atawe ape aje yang berhubungan ame Kota Jakarta tercinta.
Ade juga Nyak IIS alias Nyanyi Iseng-Iseng, dimane AbNon bisa denger kru Begaya nyanyi lagu-lagunya Babe tiap jem 8, aransemen kendiri.. hehe.. Kalo Pilih Aje tadi ude didendangin, besok ape lagi ye lagunye kira-kira?
Buat nyang kali eni sakit-sakitan, mungkin gak, ade hubungannye ame kejorokan kite kendiri kaga ngeganti barang-barang yang harusnya diganti secara rutin? Waaah.. nyari sakit itu mah. Coba ngerapet besok ye, di Fakta Asik kite punya barang-barang yang harus diganti secara rutin biar gak bawa dampak buruk buat kesehatan.
Ade ape lagi? Ya ude paling bener pantengin Begaya Rabu, 16 Mei 2012 cuma di Bens Radio. Nyok nyok nyok!
0 komentar