Abang None Ncang Ncing Nyak Babe, Begaya Jumat bakalan ngeBukaPintu buat tamu spesial yang bisa berbagi cerita serunye. Kali eni edisi 1 Juni 2012, kite bakalan Buka Pintu buat Mpok cantik yang banting stir dari penyiar radio ke penulis, yang mane buku-buku karyanya juga gak bisa dipandang sebelah mata. Adenita, penulis 23 Episentrum, bakal namu ame siaran bareng Uwie Rogaye & Jabrik jam 9 ampe 10 pagi.
Sebelon pantengin doi di Buka Pintu, kite kenalan dulu dikit..
Dari banyak nama penulis muda Indonesia, Mpok Adenita adalah salah satu penulis muda berbakat yang berhasil nancepin cakarnye di dunia literasi Indonesia. Novel pertamanye, Sembilan Matahari (2008), sukses besar jadi best seller dan dicetak ampe 7 kali. Atas karyanye entu, Mpok yang juga ngemsi plus bikin skenario film eni berhasil jadi nominasi Penulis Muda Berbakat Khatulistiwa Literary Awards 2009.
Setaon abing entu, Mpok Ade dapet penghargaan Duta Bahasa Berprestasi dari Balai Bahasa Provinsi Jawa Barat. Gak cukup ampe disitu kite dibuat kagum ame hal-hal positif ape yang ude die lakuin dalam hidup, sesekali Mpo Ade ngajar proses kreatif penulisan
buat sekolah menengah.Di sela aktivitas nulisnye, Mpok Ade juga sering jadi Master of Ceremony (MC). Perannye sebagai seorang ibu juga bikin Mpok Ade semangat buat untuk ikut kampanye mengenai pentingnya ASI eksklusif bareng Asosiasi Ibu Menyusui Indonesia (AIMI).
Walah, kayak ape ye Mpok multitasking & multitalenta eni kalo siaran Begaya? Pantengin aje, sekalian tanya-tanya liwat interaktif. Soalnye, Mpok Ade bakalan ngebagi 3 buku andelannye buat 3 Abang None yang nanya terbaik.
Inget, Jumat 1 Juni 2012, di Buka Pintu Begaya, jam 9-10 pagi WIB.
0 komentar