Ngawalin paginye Abang None emang paling enak pantengin Begaya. Banyak lagu enak, bisa rikues, bisa on airin temen di Ngebangunin Pagi, bisa ikutan komentar di Nyang Anget, bisa ape aje.. ame bisa sarapan informasi-informasi paling asik. Kayak di segmen Fakta Asik Pagi Hari, ada yang perlu Abang None tau nih tentang sayuran. Ternyata bukan cuman sayuran warna ijo aje yang penting buat kesehatan. Sayuran warna ape lagi ye?
Abing kenyang sarapan sayur, kita ketemu ame masalah Abang None nyang kerja sebagai Tenaga Kerja Indonesia alias TKI. Tau dong masalah TKI bukan masalah baru nyang kudu diperhatiin pemerintah. Denger-denger nih, masalah hak-hak temen-temen TKI sekarang eni ude keliatan diurusinnye, kaga cuman ngomong doang. Salah satu kebijakan yang ude disepakatin yaentu TKI bisa dapet uang lembur. Trusnye pengiriman TKI sekarang ditunda kan ampe bener-bener dapet pelatihan dasar minimal 200 jam. Ya emang harus begitu.. TKI kan sumber pemasukan negara. Kesejahteraan dan kualitasnye dipikirin dong, dibenerin.. Kalo gini kan kaga ade lagi yang namanya pelanggaran hak-hak TKI di luar negeri, apalagi disiksa-siksa segala. Kita juga kaga was-was kalo mau kerja di luar negeri..
Selaen entu pokonye kita bakalan seru-seruan dah. Mau denger Uwie ame Arya bertarung maen tebak-tebakan? Siapa yang paling garing? Ngerapet dah, Senin, 19 Maret 2012, jam 6 ampe 10 pagi. Cuman di Bens Radio, More Batavian More Jakarta!
Wassalam!
0 komentar