Begaul Jumat udeh pasti ada temen-temen VOA Washington DC yang bakal gabung dan ngobrol bareng ame kita buat cerita tentang yang unik-unik dari negeri Amrik sono, atawe tentang pengelaman orang-orang Indonesia yang ada disana dan lain-lain.Jumat eni, 16 Maret 2012 ape ya yang bakal diobrolin ame Mpok Dewi ame Bang Ronan? Kasih bocorannye nggak ya? Oke deh, ni die bocorannye....
Katanye sih Mpok Dewi ame Bang Ronan bakalan ngasih tau soal Festival Cherry Blossom di Washington DC. Yang hebat dan serunya dari festival eni, tim kesenian Indonesia juga ikutan ngerame in dengan nampilin Reog Ponorogo, Angklung dll.
Wah asik tuh. Mau tau lebih jelas? Mending langsung pantengin aje obrolannye di acara Begaul bareng Ical Aje, Jumat 16 Maret 2012 jam 8.30 malem. Cuman di Bens Radio, nyok nyok nyoooook....!
0 komentar