Bocoran.. bocoran.. bukan genteng ye Abang None, nyang eni bocoran Begaya edisi Rabu, 21 Maret 2012.
Abang None kalo pagi sukanya sarapan pake ape nih? Bubur atawe roti? Kalo demennye bubur pasti entu bubur pan pake garem ye biar gurih begitu. Tapi tau kaga Abang None ade fakta asik ape dibalik si garem eni? Kemungkinan besar sih Abang None belon tau, mangkenye kita gelontorin biar makin cihuy pengetahuannye Abang None.. Jangan cuman doyan makannye aje.. Hihi.
Nyambung di bubur, paling enak makan bubur pagi-pagi dah! Apalagi di cuaca ekstrim model begini, behhh bikin badan kite angeet rasanye. Pan udeh beberapa hari di Jakarta eni kite lagi pada khawatir en rame ngomongin soal angin yang hembusannye bikin badan merinding. Kire-kire ini angin nama nye angin apaan ye? Biar kaga ade kesalahan, kita bakalan telpon narasumber dari BMKG buat tanya-tanya tentang si angin eni. Jujur aje, kita dimari juga penasaran kenape berasa ada di pantai, kenceng bener anginnye.. sampe ada berita kaga bener beredar di Broadcast Message buat nyang punya Blackberry.
Jangan ampe masalah angin bikin Abang None angin-anginnya hari Rabu eni.. semakin deket ame hari libur di ujung minggu, harus semakin semangat ye. Begaya bantu pompa dah semangatnye! Nyok ngerapet kupingin Begaya Rabu edisi 21 Maret 2012, barengan Arya Tanjidor & Andhine Kromong, masih dimandorin ame Mpok Ratih a.k.a Ketua Panitia.
Wassalam!
Fanpage : Bens Radio 1062 Jakarta
Twitter : @BensRadio, @BukaPintuBegaya
0 komentar