“ Para...Penonton...Bapak-bapak Ibu-ibu..semua yang ada di sini...”
Inget dong Abang None ame cuplikan lirik lagu entu. Lagu yang bikin heboh dunia perdangdutan di Indonesia. Siape lagi kalo bukan Inul Daratista, Sang Ratu Ngebor dari Pasuruan. Mpok Inul bakalan nimbrung nih AbNon di rangkaian ulang tahun 106.2 FM Bens Radio nyang ke-22 di program Pantun Ceplas Ceplos. Selaen entu Mpok Inul juga bakal cerita banyak mengenai karier ame perkembangan musik dangdut.
Belum sampe entu aje AbNon, obrolan juga makin rame dah. Soalnye, Bang Cablak Macan Kumbang yang katanye ganteng se-Bens Radio, yang laen jelek semua, bakalan ngobrolin ape aje dan Mpok Inul yang pasti “ Ngebor” secara On Air selama sejam dari jam 2 siang ampe jam 3. Kebayang dong, muke Bang Cablak kayak begimane berduet ame Mpok Inul?.
Mangkanye, ditunggu juga ye, AbNon kehadirannye di studi 106.2 FM Bens Radio Jl. Jagakarsa No.39, atawe pantengin aja streaming-nye di www.bensradio.com sekalian deh juga ngikutin topiknye di akun twitter @bensradio.
0 komentar