Pagi harinye Abang None bakalan kita bikin semangat ame pilihan lagu-lagu enak, ditambah sarapan info menarik di segmen Fakta Asik Pagi Hari. Doyan nyanyi? Mau di panggung atawe di kamar mandi, tiap hari kita ngomong, bersuara, ampe ngelantun pake yang namanye pita suara. Letaknye ada di dalem mulut hampir mendekati tenggorokan. Kaga ade pita suara, kaga ade suara. Nah, penasaran dong pita suara Abang None termasuk pita suara jenis ape? Kudu simak fakta asiknye..
Sarapannye masih ditemenin ame judul-judul peristiwa di koran pagi dalam segmen Pacaran alias Pagi-Pagi Baca Koran, plus serunye nelponin orang yang kaga tau dia lagi on-air. Jadi buat Abang None yang pengen denger suara bantal atawe suara pagi hari temen atawe keluarganye, kasih tau kita aje, kita on-airin ntar..
Belon cukup seru? panasin ame topik anget kita.. Hari apa besok? Jumat, bener.. tapi ada yang lebih bener lagi.. besok entu, buat yang belon tau, adalah Hari Musik Nasional! Wiiih keren kaga tuh.. lebih keren lagi kalo kita tau asal-usulnye, jadi kaga asal meringatin aje.. lebih keren juga kalo pantengin ampe jam 10, karena di Buka Pintu kita bakalan ngobrol ame banyak praktisi musik yang ude guling-gulingan (baca : malang melintang) di dunia musik Indonesia. Pas kan tuh ame topik anget kita besok..
Ude kaga ade alesan lagi buat kaga mantengin 106,2 FM di radionye Abang None. Apalagi sekarang Bens Radio ude bisa didengerin dimana aje. Streamingnye cakep suaranye.. klik aje www.bensradio.com eni, atawe mau liwat ponsel pinter macem Blackberry atawe Android? bisa banget.. Ade iconnye di kanan atas web eni, klik dah. Dan rasain sensasi semangat pagi yang beda dari biasanya, cuma di Begaya, 22 Taon Bens Radio, Betawi Punye Gaye. More Batavian, More Jakarta.
0 komentar