Abang None Ncang Ncing Nyak Babe, Begaya Selasa edisi 20 Maret 2012 dateng nih.. ngawalin harinye Abang None biar makin sedep seharian. Barengan Arya Tanjidor (@arya_tanjidor) & Uwie Rogaye (@uwiefitriani), 4 jam paginye Abang None bakalan kita bikin semangat!
Yang dengerin Begaya sambil sarapan trus suka numpahin gula di meja pas ngambil buat campuran teh atawe susu atawe kupi, ati-ati disamperin ame semut. Jangan salah, semut itu bisa dibilang salah satu spesies serangga yang paling canggih, hampir kaga ade serangga lain yang sekuat die. Mereka entu ude bertahan sejak 6 juta tahun yang lalu, karena mereka emang bisa beradaptasi dengan baik ame lingkungan dimana mereka tinggal.
Baru tau? Yah.. mangkenye kupingin Begaya Selasa eni, soalnye kita punya banyak fakta asik tentang semut yang belon Abang None tau. Pasti kaga nyangka dah, dan bikin Abang None mikir dua kali sebelon Abang None nginjek mereka di lantai, hehe.
Urusan semut kelar, urusan tanah yang kita injek masih terus panas nih. Yang suka ngeluh bumi makin panas tiap harinye, kaga usah bingung.. Kita emang lagi ngalamin pemanasan global dan terus berkelanjutan, apalagi orang-orang makin kaga bijak buang-buang listrik ame energi. Akhirnya lingkungan marah, dan kaga bersahabat kalo ada bencana alam mampir.. banjir dimana-mana, longsor, segala macem dampak buruk masalah lingkungan.Pas banget nih, tanggal 21 Maret, ternyata sedunia eni memperingati yang namanya World Silent Day alias Hari Hening Sedunia. Hah apaan tuh? terus apa hubungannye ame lingkungan? Banyak! Dan kudu tau nih Abang None Ncang Ncing Nyak Babe..
Jadi jangan ampe keliwatan Begaya Selasa, 20 Maret 2012 eni. Mulai jam 6 ampe 10 pagi, cuman di mari, radio Betawi atu-atunye!
Wassalam!
Fanpage : Bens Radio 1062 Jakarta
Twitter : @BensRadio, @BukaPintuBegaya
0 komentar