Salamlekom!
Abang None Ncang Ncing Nyak Babe! Eni die bocoran Begaya Kamis, 29 Maret 2012. Kali eni barengan Arya Tanjidor (@arya_tanjidor) ame Andhine Kromong (@nonebetawie), jam 6 ampe 10 pagi ye.
Hoaaaahm.. Bangun pagi enaknye ngapain ye? Sikat gigi ude, miinum aer putih ude. Naaaah! Olahraga aaah! nyambi nyabutin rumput halaman, biar badan kagak kaku eh hehehe. Ngobrolin rumput, pas banget ame topik kite di Begaya episode eni deh. Karena eh karena, Andhine ame Arye punya Fakta Asik tentang rumput. Lebih lengkapnye dengerin Begaya ye Abang None..
Menanti Earth Hour yang jatoh di hari Sabtu tanggal 31 Maret, Abnon kendiri tau kaga ape itu Earth Hour? Earth Hour ntu sebuah kegiatan nyang udeh jadi agenda Badan WWF (World Wildlife Fund) dengan tujuan ningkatin kesadaran masyarakat dunia akan pentingnye hemat energi dalam ngatasin pemanasan global dan kegiatan eni dilakuin setiap sabtu terakhir bulan Maret. En kaya biasanye kita ngobrolin Topik Anget eni bareng narasumber terpercaye pastinye deh.Ape lagi nih yang mau dibocorin? Kaga asik, biar penasaran aje.. hahaha.. nyang mau ikutan rikues lagu enak, ngebangunin orang, atawe ape aje, ya kudu pantengin.. Nyok ah!
Wassalam!
0 komentar