'....Iye..muke lo kaya buaya..." begitu mpok Inul Daratista ngeledekin Cablak yang disambut ketawa ame temen-temen Bens Radio crew yang lagi menuhin Warung Bang Bens di halaman bekalang Bens Radio, Jl. Jagakarsa No. 39 Jakarta Selatan.Dari awal siaran pantun dibuka, mpok Inul udeh dibikin ketawa ampe megangin perut, ngetawain candaan Cablak Macan Kumbang.
Dalam siaran "More Batavian More Jakarta" yang juga ngebahas soal album Inul 'Buaya Buntung' dalam rangkaian Ultahnye Bens Radio eni, mpok Inul tampil dengan balutan busana warna biru yang bikin penampilannye makin cakep ampe bikin Cablak kaga berenti-berenti bilang "..mpok Inul cantik bangeeet..."
Disela-sela obrolannye, Mpok Inul juga bilang kalo selama eni waktunye disibukin ame ngurusin keluarga juga tempat karaokenya yang banyak nyita waktu.
Siaran bareng Inul Daratista yang berlangsung dari jam 2 - 3 sore Selasa, 6 Maret 2012 eni emang sengaja di gelar di Warung Bang Bens. Jadi selain penelepon yang masuk melalui 7870760, abang none yang ade di Warung Bang Bens juga bisa langsung interaktif ame Mpok Inul Daratista.
Sukses ye Mpok Inul....
0 komentar