Jl. Jagakarsa 39 Jakarta Selatan alias markasnye Keluarga Besar Bens Radio yang selama eni abang none tau bentaran lagi bakalan lebih seru dan rame, soalnye halaman belakangnye bakal jadi warung yaentu Warung Bang Bens.Nah, sekarang eni halaman belakang Bens Radio lagi rame dan penuh ame abang-abang yang lagi bebenah ngeberesin halaman belakang eni biar lebih asik buat jadi tempat nongkrong walaupun sebenernya selama eni juga udah jadi tempat nongkrong yang asik dan eni terbukti dengan sering dan banyaknye abang none mulain dari komunitas ampe seleb dan tamu-tamu yang demen dan betah nongkrong di halaman belakang Bens Radio.
Di Warung eni juga siaran 'More Batavian More Jakarta' selama 5 hari berturut-turut mulain tgl 2-6 Maret 2012 kemaren digelar. Sebanyak 22 tamu siaran dari halaman belakang yang udeh di sulap jadi Warung Bang Bens biar abang none ngerasa santai dan lebih asik.
Warung Bang Bens sengaja kita adain biar abang none lebih nyaman lagi kalo berkunjung kemari. Tungguin soft launchingnye ye...., kite seru-seruan lagi ntar dimari. Kapan? Tunggu aje ye abis kite bebenah warungnye... ! hehehhehe....
0 komentar