Keinginan Zaman dan Adat
Abang None Encang Encing Enyak Babeh jaman kompeni emang udeh beres di negara kite. Sadar atawe ditidak sadari, segala bentuk kebudayaan nyang terjadi saat eni dipengaruhin ame budaya atawe kultur nyang dibawa para penjajah Indonesia kala entu. Bayangin aje nih AbNon, ame kompeni aje kite dijajah selama 350 Tahun. Udeh entu, dilanjut ame Jepang yang ngejajah selama 3,5 tahun. Secara udeh pasti deh, segala bentuk kehidupan sehari-hari yang biasa kite sebut budaya entu, bakal berpengaruh secara disengaja atawe kagak disengaja.
 |
| foto : forum.tamanroyal.com |
Jakarte eni emang tempat paling strategis. Dilihat dari letaknya dekat dengan Laut Jawa, makanye enggak heran eni tempat jadi surganye para saudagar pedagang, alim ulame, ame para seniman yang ade di penjuru dunia. Bangsa Cina ( Tionghoa ) ame Arab udeh jadi komunitas langganan pendatang yang saat eni udeh ada perkampungan di Jakarte. Tentunye selaen dari penduduk Melayu ame Bugis. Kebayang dong AbNon, kesemua penduduk etnis suku entu berkumpul dan ngebuat sistem kebudayaan. Nah mangkanye kagak useh heran deh ye, sering kite sebut, ade Orang Betawi Kemayoran, Orang Betawi Pinggiran, Orang Betawi Kampung Arab, Kampung Cina, dan laen sebagainye. Karena sekali lagi bahwa Jakarte entu strategis. Terlebih menjadi Ibu Kota Negara Republik Indonesia. Wah..bakalan dinamis deh entu..
Kedinamisan entu akan terus terjadi, cocok deh, sama kutipan dari ilmuwan Rusia :
“Perubahan, perubahan yang berkelanjutan, dan perubahan tak terelakkanlah yang merupakan faktor dominan dalam masyarakat saat ini. Tidak ada keputusan yang dapat dibuat tanpa memperhitungkan bukan hanya keadaan dunia saat ini, tapi juga dunia yang nanti akan terjadi.” (Isaac Asimov)
Kalo dikaitin ame pembahasan tentang adat pernikahan Betawi, saat eni ade beberape yang mengalami perubahan. Perubahan entu disesuain ame perkembangan zaman dan globalisasi yang mane patokan penilaiannye pada penggunaan waktu seefisien mungkin. Memang, hal-hal yang prinsipil dalam arti penyimpangan mutlak dari adat istiadat yang berlaku, tidak menonjol. Tapi disadari perubahan ame pergeseran beberapa hal emang udeh kejadian.
Eni diye perubahan-perubahan yang udeh kejadian antaranye :
Eni diye perubahan-perubahan yang udeh kejadian antaranye :
- Mak Comblang, peran mak comblang saat eni udeh enggak kepake. Pasalnye, dalam pelaksanaan pernikahan sekarang lebih terjadi dengan pertemuan cinte dari kedua insan. Artinye, udeh pada kerja keras buat ngecari jodoh dengan kemampuan dirinye sendiri.
- Kagak Ngebawa Tande Putus, kondisi eni terjadi atas kehendak kedua sejoli. Artinye orang tua laki-laki barengan ame beberapa orang anggota keluarga dekatnye langsung melakukan tindakan ngelamar tanpa menggunakan perutusan. Ditambah juga ame kondisi pihak putri langsung dihadapi oleh orang tua si gadis ame beberapa orang anggota keluarga dekatnye.
- Perawatan terhadap penganten putri dilakuin antara atu sampe dua hari saja, semata-mata ditempuh hanya sebagai ‘untuk memenuhi persyaratan’ belaka.
- Rudatan lengkap tetep mengiringi penganten pria sewaktu diantar untuk ngelaksanain pernikahan, dengan acara sepenuhnye sama. Tetapi setelah akad nikah pada siang hari entu langsung diteruskan dengan duduk bareng di pelaminan. Atawe kedua penganten langsung ditemuin, seudeh entu ngelakuin sembah kepada yang hadir termasuk kedua orang tua masing-masing yang juga hadir di tempat yang sama.
- Sekedar untuk memuaskan para pengunjung di gedung sewaktu resepsi pernikahan bakal dilangsungkan terkadang diadakan lagi acara rudatan lengkap dengan barang bawaan upacara adat yang lengkap pula di bawah tuntutan Master Of Ceremony ame tukang rias.
- Penganten tidak lagi melakukan pulang tiga hari, tapi langsung nginep di tempat penganten putri di mane dalam kamar penganten masih aje ade tempat sirih lengkap. Udeh gitu, besoknye kalu emang udeh terjadi hubungan laki bini, langsung deh pihak keluarga penganten putri nyiapin ketupat laksa penganten dan mengundang pihak orang tua penganten pria untuk ngenikmatin bareng-bareng.
Sekiranye begitu deh Abang None Encang Encing Enyak Babeh pembahasan kite mengenai Upacara Pernikahan Adat Betawi. Dari bagian awal ampe yang akhir eni. Pada dasarnye, walopun kita udeh bertahan selama 484 Tahun, bukan bearti kite ngelupain sejarah ame makna budaya, tradisi, yang kali aje sarat dengan budi pekerti. Lagi-lagi aye ingetin deh ya AbNon, kalo bukan kite, sape lagi nyang mau nge jaga ame ngelestariin..
Bang Jupri Maen ke rumah Mpok Teten, Sampe sono sebar senyum biar ramah.
Saban hari udeh ada nyang mau nganten, Doain yok, Moga jadi keluarga Shakienah, Mawadah, ame Warahmah.”
Ampe ketemu di topik yang kece lagi AbNon !!
Nyok..nyok..nyok..
0 komentar