PEDOMAN TATA RIASNcang Ncing Nyak Babeh..kite kembali lagi nih buat ngebicarain ape aje yang kudu diperhatiin pada saat upacara perkawinan adat betawi. Kali eni kite bakal ngebahas tata rias penganten. Tata rias penganten entu ibarat cabe rawit. Segali digigit , berasa segerr.., ampe bikin melek eni mata.
Rias penganten ternyata ade pedomannye nih. Di bagian sebelumnye pan udeh dibahas ngebersihin wajah ame kulit, nah seudeh entu mulai meratakan bedak ( foundation ) dasar. Bedak dasar ame bedak ( powder ) nyang digunain disesuaiin dengan warna kulit penganten. Tapi nih abnon, jangan lupe tetep nonjolin warna putih kemerah-merahan. Bedak diratain deh di sekitar tengkuk yang udeh dibersihin dari bulu-bulu halus, punggung telapak tangan ame segenap jari-jari tangan.
Ada nih yang bikin pangling pada waktu pernikahan, apa ye kira-kira?? Iye betul, kalo bukan alis ape lagi deh ye. Ternyata alis dibentuk berdasarkan garis alis enyang udeh ada dengan bentuk wajah dan mata penganten. Biar mantep tambah garis mata ( eye liner ) ame maskara. Biar wajah makin kinclong, dianjurin make bayangan hidung. Pemerah pipi yang cerah, sesuai ame warna pipi ama warna dasar busananye. Terakhir jangan lupa pake lipstick. Entu juga disesuaiin ame warna kulit dan pemerah pipi penganten.
Penataan Rambut Penganten Wanita
Nah bagi nyang kagak make jilbab, penataan rambut penganten dimulai seudeh segala urusan percantik wajah udeh kelar. Pertama, rambut disisir rapih dan rapat pada kulit kepala dan kagak disasak, tapi diikat pada puncuk belakang kepala. Tengkuk juga ditarik ke arah yang sama. Tujuannye buat ape?, ternyata tujuannye bakal dijadiin sanggul yang diikat kuat ketat.
Seudeh diikat ketat, rambut nyang panjang entu dililit ketat lagi di setiap putaran pada waktu ngebentuk sanggul buatan. Nanti nih abang none bentuknye kayak stupa dimane terdiri dari tiga susun lilitan rambut. Ada yang unik nih abang none, pada waktu sebelum nyusun konde ternyata sanggul diisi pake pelepah pisang ame irisan daun pandan. Tujuannye biar ngemudahin pada waktu nge konde. Seudeh pelepah pisang ame irisan daun pandan, jangan dipake buat ngeramu masakan ye none, soalnye entu semua bakal berguna jadi pengharum rambut. Khusus bagi none berambut pendek biasanya dipake cemara nyang panjangnye 100 cm.
Tata Busana Penganten Wanita
Penganten putri mengenakan rok bawah ( Kun ) nyang menyapu lantai, motifnye perhiasan, manik-manik, atawe bisa juga motifnye serangkai kembang nyang memenuhi bagian bawah dan samping roknye atawe kun entu sendiri.
Bagian atas tubuh sang penganten diberi busana baju lengan panjang model Cina, namanye Tuaki. Biasanye bahan baju eni dari bahan beludru, lame, atawe silk polos nyang diberi hiasan tatahan manik-manik ame permata nyang serasi dengan hiasan di kun entu.
Seudeh entu, penganten putri jangan lupa make penutup dada, biasa disebut delime. Juga ngenain alas kaki selop kasut tertutup, atawe selop bentuk perahu kolek. Perlu dicatat ni abnon, jenis selop entu kagak sama ame selop tutup Jawa, Sunda, atawe selop dari daerah lain.
Perhiasan Penganten Wanita
Rias penganten ternyata ade pedomannye nih. Di bagian sebelumnye pan udeh dibahas ngebersihin wajah ame kulit, nah seudeh entu mulai meratakan bedak ( foundation ) dasar. Bedak dasar ame bedak ( powder ) nyang digunain disesuaiin dengan warna kulit penganten. Tapi nih abnon, jangan lupe tetep nonjolin warna putih kemerah-merahan. Bedak diratain deh di sekitar tengkuk yang udeh dibersihin dari bulu-bulu halus, punggung telapak tangan ame segenap jari-jari tangan.
Ada nih yang bikin pangling pada waktu pernikahan, apa ye kira-kira?? Iye betul, kalo bukan alis ape lagi deh ye. Ternyata alis dibentuk berdasarkan garis alis enyang udeh ada dengan bentuk wajah dan mata penganten. Biar mantep tambah garis mata ( eye liner ) ame maskara. Biar wajah makin kinclong, dianjurin make bayangan hidung. Pemerah pipi yang cerah, sesuai ame warna pipi ama warna dasar busananye. Terakhir jangan lupa pake lipstick. Entu juga disesuaiin ame warna kulit dan pemerah pipi penganten.
Penataan Rambut Penganten Wanita
Nah bagi nyang kagak make jilbab, penataan rambut penganten dimulai seudeh segala urusan percantik wajah udeh kelar. Pertama, rambut disisir rapih dan rapat pada kulit kepala dan kagak disasak, tapi diikat pada puncuk belakang kepala. Tengkuk juga ditarik ke arah yang sama. Tujuannye buat ape?, ternyata tujuannye bakal dijadiin sanggul yang diikat kuat ketat.
Seudeh diikat ketat, rambut nyang panjang entu dililit ketat lagi di setiap putaran pada waktu ngebentuk sanggul buatan. Nanti nih abang none bentuknye kayak stupa dimane terdiri dari tiga susun lilitan rambut. Ada yang unik nih abang none, pada waktu sebelum nyusun konde ternyata sanggul diisi pake pelepah pisang ame irisan daun pandan. Tujuannye biar ngemudahin pada waktu nge konde. Seudeh pelepah pisang ame irisan daun pandan, jangan dipake buat ngeramu masakan ye none, soalnye entu semua bakal berguna jadi pengharum rambut. Khusus bagi none berambut pendek biasanya dipake cemara nyang panjangnye 100 cm.
Tata Busana Penganten Wanita
Penganten putri mengenakan rok bawah ( Kun ) nyang menyapu lantai, motifnye perhiasan, manik-manik, atawe bisa juga motifnye serangkai kembang nyang memenuhi bagian bawah dan samping roknye atawe kun entu sendiri.
Bagian atas tubuh sang penganten diberi busana baju lengan panjang model Cina, namanye Tuaki. Biasanye bahan baju eni dari bahan beludru, lame, atawe silk polos nyang diberi hiasan tatahan manik-manik ame permata nyang serasi dengan hiasan di kun entu.
Seudeh entu, penganten putri jangan lupa make penutup dada, biasa disebut delime. Juga ngenain alas kaki selop kasut tertutup, atawe selop bentuk perahu kolek. Perlu dicatat ni abnon, jenis selop entu kagak sama ame selop tutup Jawa, Sunda, atawe selop dari daerah lain.
Perhiasan Penganten Wanita
- Perhiasan Kepala : Perhiasan pertama nyang dikenain namanye siangko. Pemakaiannye diikat di belakang kepala pas di bawah Sanggul Buatun. Jangan lupa, Roje Melati 25 cm disimpen pada bagian kepala, lebih tepatnye pada pertemuan antara rambut sanggul ame rambut nyang merapak di kepala. Seudeh itu Pasung Cempaka bagian Sanggul Buatun, di atas tengkuk. Selain berfungsi sebagai hiasan ternyata bisa jadi kamuflase simpul ikatan siangko. Tambah gonjreng abang none, tusukin deh Tusuk Paku ( 10 buah ), pasang Tusuk Bunga ( 5 buah ), pasang Tusuk Kembang Rumput ( 2 buah ), terakhir pasang Tusuk Kembang Kelape ( 2 buah ). Kudu dipasang adalah Kembang Goyang ( 16 buah ) nyang masing-masing disusun 3,4,5,4. Tusuk Burung Hong yang ade 4 buah entu dipasang sembari masangin Mahkota ( Sisir Galu ). Terakhir, masang Sunting Bunga sepasang, di kiri kanan telinga ame pasangin deh Tusuk Laam di Sanggul Buatun.
- Perhiasan Lainnya : Yang eni, perhiasannye cuman dianjurin, alias sunnah hukumnye, yakni make sepasang kerabu di telinga, pake kalung tebar di atas delime Betawi, make sepasang gelang listring di luar lengan tuaki, dan sepasang cincin bermata.
Tata Rias Penganten Pria
Ngedandanin penganten pria mah kagak ribet abang none. Tapi, walopun kagak sejelimet penganten putrinye, bukan bearti nyang pria kagak kece. Buktinye aje si Calon Laki kudu maskeran gitu biar keliatan kinclong. Berikut bakal dibahas ape aje nyang kudu diperhatiin saat ngedandan si penganten pria biar keliatan kece. Oke deh kite mule..
Ngedandanin penganten pria mah kagak ribet abang none. Tapi, walopun kagak sejelimet penganten putrinye, bukan bearti nyang pria kagak kece. Buktinye aje si Calon Laki kudu maskeran gitu biar keliatan kinclong. Berikut bakal dibahas ape aje nyang kudu diperhatiin saat ngedandan si penganten pria biar keliatan kece. Oke deh kite mule..
- Cambang & kumis dirapihin sebelum maskeran. Alis mata kagak useh diapa-apain biarin sesuai ame bentuk aslinye aje.
- Kagak boleh make bayangan mata, bentuk apapun.
- Kagak make bayangan hidung.
- Kalo penganten pria keliatan pucet, dibolehin diberi pemerah pipi sedikit, mendekati warna busana nyang dipake. Selain entu, bisa juga diberi pewarna bibir biar cerah. Eni buat yang perokok.
Penataan Rambut Pria
Penganten pria make busana jubah panjang ( gamis ) buat bagian dalamnye. Sedangkan busana luarnye berupa “ Jubah Luar “ yang terbuka – disebut jube – dengan hiasan tatahan permata ame manik-manik.
“ Selempangan Kebesaran “ dipake di atas gamis dan di bawah Jube, entu semua diletakin di atas pundak kiri. Kedu ujungnye dipertemuin deh pada singgul kanan. Sedangkan yang bakal jadi alas kaki, namanye sepasang sepatu pantovel.
Sesuai ame pembahasan sebelumnye, nyang namanye pernikahan udeh pasti orang tua pasti jadi bagian yang kudu diperhatiin dalam hal penampilannye. Eni dia pakaian orangtua laki-laki kedua penganten.
- Satu stel pantalon ame jas tutup, dihiasi kuku macan di saku atas.
- Make kain lasem motif ujung tombak, lima jari di bawah jas yang ujungnye menyerong sedikit. Oleh karena entu namanye jadi pakaian ujung serong.
- Peci hitam.
- Sepatu pantovel.
Nah, buat pakaian orang tua wanita kedua penganten, eni dia kite kudu tau :
- Kebaya krancang atawe kebaya panjang.
- Tata rias wajahnye sebagai berikut :
- Warna bedak disesuaiin ame warna kulit.
- Riasan mata kudu sesuai ame warna pakaiannye.
- Sanggul : Nama sanggulnye konde bunder ( konde bulet ). Kagak make sunggar, boleh disasak sedikit & kagak terlalu tinggi. Kadang nih, bagi berambut panjang, biasanye kondenye pake rambut sendiri, ame make cemara yang panjangnye 1 meter atawe lebih, tergantung besar kepala model.
- Kebaya :
- Model Kartini yang ujungnye sondai ( sekitar 20 – 30 cm dari bagian datar ).
- Dibordir krancang pake motif ape aje ( misal, daun, kembang, dan laen-laen ).
- Lengan di bagian bawah dibordir krancang.
- Bordir di bagian lengan atas kali eni kagak diperbolehkan.
- Kain :Kain sarung atawe kain panjang lasem, cirebonan ame kepala kain boleh bentuknye buket, ujung tombak atawe susur.
- Selopnye bisa selop tutup, bermote, atawe kala kagak polos aje.
- Perhiasan : anting seketel atau giwang aur, kalung tebar, atau kalung liontin “ Peniti tak “, “ peniti cangkrang “, atawe “ peniti rante “, gelang listring, cincin bermata. Pending dipake pada bagian dalam kebaya.
Baju yang dipake namanye Kebaya panjang. Sesuai dengan nama, panjangnye sekitar 10 cm di atas lutut.
Encang Encing Enyak Babeh, segitu deh kira-kira obrolan kite tentang ape-ape yang kudu diperhatiin buat acare pernikahan. Pernikahan emang buat sekali seumur hidup. Tapi bukan bearti kite harus berlebihan. Terutama ketika harus memper-kece diri. Karena yang berlebihan banget, jatohnye juga kagak bagus pan yak??. Sekian dulu ye, obrolan kite tentang pedoman tata rias. Besok jangan bosen-bosen deh ye,karena kite bakal balik lagi dengan topik yang lebih seru.
Beli Tenggiri di warung Bang Solar, abis entu jangan lupa beli minyak.
Kagak kerasa topik eni udeh kelar, semoga abang none pada tidur nyenyak.
Nyok..nyok..nyok..!!
0 komentar