Ude hari Jumat nih! Pagi-pagi enak banget kayaknye kalo dilewatin sambil ngeteh, ngupi, nyusu.. (minum susu ye maksudnye), sarapan ruti, ame.. dengerin Begaya Jumat. Kali eni barengan Arya Tanjidor ame Puspa Baresi.Ngelanjutin Fakta Asik Pagi Hari tentang sepedaan, kita masih punya mitos ame fakta buat dijembrengin. Biar sepedaan Abang None jadi lebih khidmat. Abis sepedaan enaknye baca koran biar kita makin pinter tau berita-berita terkini. Kupingin dulu bocoran headlinenye di Pacaran (Pagi-Pagi Baca Koran).
Pengen tau suara bantal temen kita di udara? Ikutan aje Ngebangunin Pagi. Kirimin data diri temen atawe keluarga nyang mau kita bangunin ke imelnye bu produser langsung, ke ratihpermatasari586@gmail.com. Tinggalin nomer hape Abang None juga jangan lupa. Eh iya kalo mau kita ucapin met ultah buat nyang ultah juga boleh kok, ikutan aje..
Topik anget kita besok seputaran perut.. ape tuh? makanan? hampir bener.. tentang pajak restoran! bleh, ade ape sama pajak restoran? kalo kita makan suruh bayar pajak nih? makan dimane aje yang dikenain pajak? jangan gede-gede dooong, biar kantong kaga kemps tapi perut kenyang.. Tenang, kita juga bakalan ajak ngobrol pakarnye biar kaga salah kaprah ye..
Setiap Jumat di Begaya ade nyang seru nih di jam terakhir. Ape lagi kalo bukan Buka Pintu.. kali eni kita kedatengan seniman pantomim Indonesia, Septian Dwi Cahyo. Gimane sosok nyang selama eni keliatan bisu-bisu aje di layer kaca, bakalan diajakin rame ame Arya Tanjidor & Puspa Baresi. Pokonye rugi dah kalo ampe kaga mantengin gimane serunya Begaya Jumat! Nyok nyok nyok..
0 komentar