Abang None, hari Senen bukan alesan buat ngegerutu, mendingan kita Begayaan bareng Arya Tanjidor ame Uwie Rogaye.Ade ape sih di Begaya hari Senen pertama di bulan Februari eni? Seperti biasa, kita bakalan nyapa paginye Abang None pake lagu-lagu pilihan nyang bisa bikin semangat! Fakta Asik Pagi Hari nye bakalan bermanfaat banget nih buat Abang None nyang ngerasa bermasalah ame hasil cucian baju. Jangan-jangan selama eni ngelakuin kesalahan-kesalahan pas nyuci baju kayak nyang bakalan kita ablakin besok..
Topik anget besok seputaran cerita lama nyang masih tetep anget nih. Kenapa anget, soalnye masih aje kejadian.. kali eni nyang namanye tawuran pelajar. Waduh.. demen amat sih berantem-beranteman.. emang kaga mikirin kalo kenapa-kenapa ntar emak bapaknye pada sedih? Kalo emang jago jotos-jotosan jadi petinju aje..
Ude ah jadi kita nyang emosi nih.. mending kita ngobrol ame pengamat pendidikan Indonesia, biar jelas dan kita ngerti kenape entu kejadian malu-maluin di dunia pendidikan masih terus terjadi..
Tenang Abang None, jangan ikutan panas.. kalo emang jadi gerah, tenang aje kita bakalan cooling down ame info-info menarik ame lagu-lagu rikuesan.. Pokoknya selama 4 jam paginye Abang None kaga bakalan sepi apalagi kusut. Dengerin aje Begaya, mulai jam 6 ampe 10 pagi. Pantengin di gelombang 106,2 FM, atawe kalo lagi di kantor ame luar negeri, luar kota, asal bukan luar angkasa, dengerin liwat streaming kita di www.bensradio.com.
Jangan lupa follow twitter kita di @BukaPintuBegaya ame @bensradio_1062 yeee..
0 komentar