Abang None, ude mao akhir pekan aje nih.. itu artinye, kita kudu siap-siap buat seseruan! Gimane kalo awal weekenan eni kita mulai ame Begaya Jumat? Ya ude paling asik dah..
Sederetan segmen yang asik-asik ude kita siapin. Mulai dari bocoran headline koran hari eni di Pacaran alias Pagi-Pagi Baca Koran, Nyaba, Rikues, ampe Fakta Asik Pagi Hari. Kali eni giliran Abang None yang suka kupi yang kita manjain ame segelontoran fakta tentang kupi. Jangan cuma khatam minum aje, kudu tau printilan seputaran kupi ye. Biar makin khusyu minumnye..
Laki, perempuan, sekolah, kuliah, kerja, ampe yang susah bangun, siap-siap jadi target operandi kita di Ngebangunin Pagi. Ude banyak Abang None yang kirimin data diri ame data target yang mau kita kerjain on air. Jadi siap-siap kebagian kita telpon dan on air se Indonesia Raya.. Masih belon bangun juga? Kalo kita kipasin top up pulsa dari Indosat gimane? Goban alias Rp. 50rebu! Mangkenye pantengin, besok ade kuisnye.. yang kemarenan belon dapet, kali eni kudu dapet.. kita cuma ngambil jawaban yang bener dan paling cepet..
Topik anget besok pastinye bakalan asoy, apalagi kalo kita termasuk didalemnye. GIRL POWER alias kekuatan perempuan! Yeeeaaahh.. mau ngingetin aje nih, kalo kaum yang atu eni kok masih ada yang mandang sebelah mata. Padahal tanpa perempuan, kaga ade dah Abang None Abang None yang cakep-cakep beginih.. spesial buat semua perempuan Indonesia, ame laki-laki yang ngehormatin perempuan, nyok besok ngerapet..
Kenape harus ngerapet juga, soalnye bakalan ada yang spesial karena besok entu ade BUKA PINTUUUUUUUU yes.. kita kedatengan Mpok yang aktif juga nyuarain “nyanyian” perempuan-perempuan Indonesia, Melanie Subono. Sape kaga tau perempuan cakep anaknye promotor hebat Adrie Subono. Doi eni ternyata Duta Sahabat Perempuannye Komnas Perempuan. Wih kebayang kaga tuh gimane hebatnye..
Kita bakalan ngajakin Mpok Melanie Subono buat ngobrol seputaran perempuan Indonesia, kesibukannye sekarang, sampe hobi barunye.. Apa tuh? Rugi kalo diliwatin mah.. soalnye bakalan seru-seruan ame Arya Tanjidor & Anina Karin. Ude sekarang berenti baca eni bocoran, terus kupingin dah 106,2 FM Bens Radio liwat radio Abang None atawe streaming via pc maupun smartphone, di www.bensradio.com.
0 komentar