Gutten morgen Abnon dimane aje berade .. Begaya edisi Kamis, 9 Februari 2012 masih tetep barengan ame duo maut Uwie Rogaye ame Arya Tanjidor nih ah.Abnon ada nyang ngefans ame buah pisang? Si kuning manis dan padet ini bakalan kita kupas besok di Fakta Asik Pagi harinye Begaya. Jangan jadi galau ye karena mau tau ade apaan si ame si pisang ini? Kupingin aja dah mengkenya ye!
Next! Kita juge bakalan tilpun langsung seorang narasumber kayak biasanye buat ngobrolin soal angkot! Duhhh kalo ngomongin soal angkot atawe angkutan kota eni emang kagak pernah ada kelarnye ye. Sekarang nyang lagi dipermasalahin adalah angkot nyang ugal-ugalan, dan kagak care ame penumpangnya. Bener-bener ye angkot sekarang jadi mengkinan kagak aman nih!
Abis ngupas abing tentang angkot, kita bakalan ngerjain orang nih! Hahaha siap-siap aja ye kali-kali Abnon nih nyang dapet kesempatan buat kita telpon pagi-pagi dan dijamin ngebuat Abnon stres di pagi buta ame pertanyaan nyang bikin mati kutu dari Uwie ame Arya, Siaaap? Ikutan aje nyok. Caranye kirim sms ke 9123, ketik BR2 spasi nama#umur#alamat#siape orang nyang mau di on air in pagi di Bens Radio.
Belom cukup ampe disitu, kite punya banyak segmen-segmen menarik nyang seru ame informatif. Pagi-Pagi Baca Koran alias Pacaran.. biar kaga salah beli koran buat dapetin berita-berita terkini, ade juga Joko alias Pojok Tekno, biar kite mingkin melek ame teknologi, dan masih banyak lagi. Lagu gimane, lagu? Pake nanya.. namanye juga Begaya. Kaga bakalan ade lagu nyang kaga gaya dah.. bisa rikues lagi. Kapan lagi dah bisa ikut nentuin musik ape nyang kite puterin..
Pokoknye kudu banget pantengin Begaya saban harinya ye. Cumanan di 106,2fm Bens Radio More Batavian More Jakarta. (RP/AN-BR)
0 komentar