Ada Apa di Begaya Rabu?

Mari kita awalin hari ame yang semangat-semangat. Lagu upbeat ude pasti. Pantun asik apalagi. Headline koran-koran buat bekel Abang None sarapan koran pagi hari, ude siap. Apalagi ye? Fakta Asik Pagi Hari? Eni die yang bakalan bikin penggemar mie instan tambah pinter. Jangan cuma suka makannye aje, pastiin Abang None tau fakta-fakta asik dibalik mie instan entu. Masih belon panas juga? masih goleran merem-merem mager (males gerak) di kasur? Kita kipas-kipas top up pulsa Indosat Rp. 50.000 gimane? Pantengin mangkenye kuis Indosat di antara jam 6 ampe 7 pagi..

Ude mulai panas tapi masih males bangun? bener-bener harus ngerasain dikerjain Uwie Rogaye ame Arya Tanjidor nih kayaknye.. onairin di Ngebangunin Pagi. Biar satu Indonesia Raya ame dunia tau, siape yang susah bangun pagi, atawe lagi ultah.. beuh.. ikutan mangkenye kasih data diri target yang mau dionairin ke kita, ntar kita tilpun doi trus on air di 106,2 FM Bens Radio..

Topik anget besok eni, terinspirasi dari kejadian-kejadian belakangan eni yang disebabin ame penggunaan narkoba. Sape sangke entu barang haram bisa jadi biang kerok paling ngerugiin dan mematikan. Mulai dari kecelakaan tugu tani, pilot maskapai penerbangan yang beresiko ngebawa penumpangnya menuju maut, supir tabrakan beruntun bus di Majalengka kemaren, ampe kematian diva internasional Whitney Houston. Yang ngosumsi sih bisa asik-asik aja.. orang laen yang kena dampaknye. Ampun dah. Pantengin aje nyok, geregetan sendiri jadinye nih kita..

Obrolan Pagi kita, masih bakalan ngobrol ame seorang narasumber yang kompeten ngebahas masalah si narkoba yang deket banget, lengket banget, ame kehidupan orang-orang sibuk. Dunia hiburan jadi sasaran yang pas banget buat lalu lintas narkoba. Tinggal pinter-pinter si artisnye aje kalo gitu yang ngebentengin diri.. Kayak kita, artis-artis Bens Radio contohnye.. kita artis tapi biasa aja.. (#kemudian dilempar batu ame Abang None..)

Udah ah umpetin dulu keseruan laennye.. kalo mau tau ada ape aje, pantengin aja dah Begaya saban arinya barengan Rogaye ame Tanjidor dan masih digawangin ame Ratih a.k.a Ketua Panitia. More Batavian, More Jakarta..