Ratih Permata Sari

Kalo Abang None suka dengerin acara pagi 'Begaya', eni die nih mandor alias produsernye. Die yang ngawal ame ngurusin dua penyiar buat bikin show pagi jadi asyik. Namanye Ratih Permata Sari a.k.a Mpok Ratih. Cuman, Arya Tanjidor ame Uwie Rogaye suka ngasih julukan Mpok Ratih 'Ketua Panitia' gara-gara Mpok Ratih demen banget pake jaket yang dibelakangnye ada tulisan 'panitia'. Akhirnye Jabrik juga ikutan dah sekarang..

Abing mandorin Begaya, pemaen gitar di segmen NYAK IIS tiap pagi di Begaya eni belon bisa santai-santai, soalnye kudu lanjut produserin Puspa Baresi (Senin-Kamis) ame Mak Tati Cuex (Jumat) di acara Temenan (10.00-14.00). Bae-bae ye, jangan ampe ngebul palanye.. Oh iye, kalo sering dengerin insert Nyang Anget di Bens Radio, trus denger ade cewek ngablakin berita, eni die nyang punya suare..

None yang lahir di St. Carolus, 5 Agustus 1986 eni, tinggal di Pondok Bambu, sejam lah  kira-kira perjalanan naek motor ke Bens. Karena harus ngegawangin Begaya jam 6 pagi, kalo berangkat dari rumah die barengan maling pulang kerja alias subuh-subuh.

Hobi none jebolan Broadcast & Komunikasi Massa Universitas Indonesia eni lumayan nyebelin : nungguin deadline. Soalnye die kaga bisa nyelesain kerjaan kalo gak mepet waktu deadline. Nah lho..., ahahahah.. Kalo ditanya aktivitas laen, banyak banget. Selaen di Bens, die juga tukang megang mic di band alias vokalis, bikin film pendek bareng temen-temen kampusnye, atau segala sesuatu yang bersifat seni. 

Mau kenal lebih deket lagi? Langsung aje follow twitternye di @Rrrrratih