Jumat pagi tanggal 13 Januari 2012 jem 9 pagi waktu Jagakarsa, Begaya ngeBuka Pintu buat penyanyi Indonesia yang doyan nyanyi Mandarin, Mpok Rani Pancarani. Dateng didampingin sang suami, pesulap Indonesia Adri Manan, Mpok Rani curhat tentang jalanan Jakarta yang macet pasca ujan yang dari subuh ga berenti-berenti.
Selama 60 menit namu, Mpok Rani banyak banget nyeloteh pake bahasa Mandarin, jadi berasa udah imlek duluan.. tapi emang ternyata die udah akrab banget sama bahasa eni dari mulain TK. Soalnye sekeluarga ngikut babenye dines di Taiwan. Disana si Mpok yang dijulukin Miss Off Air ini juga norehin banyak prestasi ngebanggain yang bawa nama Indonesia. Coba aje tengok ke blognye di www.rani.asia. Sederet!
Ngawalin karir dari nyanyi lagu nostalgia macem Senja Di Batas Kota, duet bareng Sarwana, Mpok Rani terbang dari panggung ke panggung perusahaan yang banyak relasi Tionghoanya, sampe keseringan dan akhirnya jatuh cinta nyanyiin lagu-lagu Mandarin. Kepiawaiannya itu juga yang akhirnya bikin Adri Manan, sang mantan pacar alias ude jadi lakinye, jatuh cinta.
Selama 60 menit namu, Mpok Rani banyak banget nyeloteh pake bahasa Mandarin, jadi berasa udah imlek duluan.. tapi emang ternyata die udah akrab banget sama bahasa eni dari mulain TK. Soalnye sekeluarga ngikut babenye dines di Taiwan. Disana si Mpok yang dijulukin Miss Off Air ini juga norehin banyak prestasi ngebanggain yang bawa nama Indonesia. Coba aje tengok ke blognye di www.rani.asia. Sederet!
Ngawalin karir dari nyanyi lagu nostalgia macem Senja Di Batas Kota, duet bareng Sarwana, Mpok Rani terbang dari panggung ke panggung perusahaan yang banyak relasi Tionghoanya, sampe keseringan dan akhirnya jatuh cinta nyanyiin lagu-lagu Mandarin. Kepiawaiannya itu juga yang akhirnya bikin Adri Manan, sang mantan pacar alias ude jadi lakinye, jatuh cinta.
Sekarang eni si Mpok lagi sibuk siaran di radio mandarin ame nyiapin lomba nyanyi lagu Betawi, memperingati hari Imlek. Kok hari Imlek bikinnya lomba nyanyi Betawi? Ini die uniknye.. kapan lagi bisa liat engkoh-engkoh, cici-cici pake pakean Betawi dan nyanyiin lagu Betawi macem Ondel-Ondel, Kicir-Kicir, Sirih Kuning, dll?
Mpok Rani sendiri tertarik sama budaya Betawi, karena punya banyak kesamaan sama budaya cina. Mulai dari pemilihan warna, baju penganten, petasan, ampe dodolnya. Bahkan tiap Rani bertandang ke negeri tirai bambu entu, warge sane ngerasa kehibur waktu Mpok Rani ngepromosiin kesenian Betawi kayak gambang kromong, ondel-ondel, dll. Warge di Cina sana ngerasa punya kekerabatan yang deket karena budaya mereka sebelas duabelas ame kite..
Walopun bukan dari Betawi, tapi Mpok Rani bangga banget kalo kemana-mana bawa lagu Indonesia dalam bahasa Mandarin. Die juga titip pesen buat Abang None nyang tertarik belajar bahasa Mandarin. “Buat belajar bahasa mandarin, kita nggak perlu sampe harus mencintai banget-banget budaya itu. Jadi jangan takut. Kita masih bisa mencintai budaya sendiri, tapi tetep sambil perluas wawasan. Kalo zaman sekarang cuma bisa bahasa Inggris, ketinggalan banget.” katanya.
Bener-bener rame siaran satu jam ame Mpok Rani. Berasa dengerin Bens Radio dalam dua bahasa. Arya Tanjidor ame Uwie Rogaye sampe ga bisa berenti ngetawain diri mereka sendiri yang kagak bisa nandingin bahasa Mandarinnye Mpok Rani. Eh, satu nih nyang perlu Abang None tau, ternyata, kepo alias pengen-tau-aja itu diadaptasi dari bahasa Cina, loh. Jī yang artinya ayam, ame Po nyang artinye nenek-nenek. Jadi, orang kepo alias pengen tau aje entu, ibarat nenek-nenek nyang ciap-ciap kayak ayam, ribuut aje..
Akhirnye ude sejam Mpok Rani namu. Sebelum pamitan doi kaga lupa kasih wejangan buat Abang None Encang Encing Nyak Babe sekalian, “Jangan lupa dengerin Bens Radio yang selalu mempersembahkan lagu-lagu luar biasa produksi anak-anak bangsa Indonesia. Buat pendengar semua, cintailah budaya Indonesia. Kita harus bangga. Jakarta emang selalu banjir, tapi kaga ade kan yang punya banjir kayak Jakarta..hehehe”. Iya dah Mpok, tengkyu berat, ye udah mampir! Sukses terus buat karirnye.
0 komentar