Dua hari kaga ngedengerin Pantun Ceplas Ceplos kangen kaga? Wah, yang kangen ame suaranye abang narsis Cablak Macan Kumbang, tenang aje, Senin siang eni seperti biasa, abang yang ngaku paling ganting se-Bens radio eni bakal nemuin abang none lagi di Pantun Ceplas Ceplos. Nyok kite pantengin, siape yang bakal di sapa ame Cablak kali eni, ape bakal nyapa para presiden di seluruh dunia kaya biasanye? atawe para bintang sepak bola?
Terus keusilan ape lagi yang bakal dimunculin ape sang produser-Ali Musaid buat gangguin Cablak? Mending langsung pantengin aje Pantun Ceplas Ceplos, Senin 23 Januari 2012 jam 2-4 sore.
Abis seru-seruan mantun ame Cablak, langsung kite terusin ame nyantai di Angin sore, buat dengerin info-info unik dan seru, sambil ngobatn rasa penat kena macet dijalan yang bikin suasana libur abang none jadi nggak asyik, moga-moga kehibur ye. Nah buat yang dirumah, pan bisa bikin suasananya jadi rame tuh.Ipeh Yapong bakal ditemenin ame siapa ye di Angin sore yang bertepatan ame perayaan Imlek ini? Oni Gemblong atawe Bobby Stengah Mateng?
Mending dengerin aje yuk? Angin sore edisi Senin 23 Januari 2012 jam 4 sore ampe 7 malem. Dimari ye abang none 1062 FM Bens Radio. Nyok nyok nyooook....!
0 komentar