Hujan lebat seringkali ngebuat kite dongkol ati apelagi kemacetan kota Jakarta ame becek dimane-mane sampe banjir, tapi banyak diantare anak-anak kite yang ngarepin rejeki di tengah hujan deras walaupun baju jadi lepek ame badan basah kuyup. Siape lagi kalo bukan OJEK PAYUNG.Miris emang kalo kite liat, di saat Musim hujan seperti sekarang eni, anak-anak laki-laki atawe perempuan yang rata-rata berumur 6 - 14 tahun kudu mengambil payung besar milik tetangga atawe orang tuanye, terus lari ke perkantoran sampe pusat perbelanjaan atawe mall buat nawarin jasa payungnye dan mengais sedikit rupiah demi rupiah…
Bens Radio belon lame eni menelusuri siape aje sih ojek payung entu. Ternyata mereka sebagian masih bersekolah SD, malahan ade yang putus sekolah. Kebanyakan orang tuanye bekerja secara serabutan ,kuli panggul dan buruh. An (6 Thn) dan Ik (11 Tahun) misalnye, 2 anak perempuan yg udeh basah kuyub dan tubuhnye menggigil, ditemuin di jalan Salemba raya Jakarte Pusat kemaren, ketika ditanya ame bens radio kenape mereka rela basah-basahan ngojek payung menjawab : “gak tau” , namun ketika ditanya sekolah keduanye menjawab : “SD kelas 1 (An)” dan SD Kelas 5 (Ik). Lain lagi dengan sebagian anak - anak ojek payung di kawasan Matraman Jakarta Timur, saat ditanya ame Bens radio kemaren bilang, “Disuruh ame emak” ade juge yang “Ikutan aje sama temen”.
Rata-rata penghasilan mereka adalah 3000 – 5000 perak, tergantung ame rasa iba seseorang, juga berani atawe kagak si anak menawarkan jasanye pade orang lain, sebab seringkali ojek payung malah berebutan jasa dan ber-akhir dengan pertengkaran cuman karna masalah rupiah.
Nah Ojek payung di kala hujan di manapun kagak hanye di Jabodetabek masih menjadi problema saat eni, dan kudu menjadi perhatian semue pihak, terutama orang tua yang kudunye menjaga anak-anaknye bukan malah mempekerjakan si anak buat mencari rupiah yang mengorbankan kesehatannye. (AA-BR)
Nah Ojek payung di kala hujan di manapun kagak hanye di Jabodetabek masih menjadi problema saat eni, dan kudu menjadi perhatian semue pihak, terutama orang tua yang kudunye menjaga anak-anaknye bukan malah mempekerjakan si anak buat mencari rupiah yang mengorbankan kesehatannye. (AA-BR)
0 komentar