Belum seminggu awal tahun 2012, wajah Jakarta udeh mulai dihadepin lagi ame berbagai cerita yang idealnye udeh sedikit berkurang atau minimal kaga kite denger di awal tahun, entah itu pengerjaan sisa proyek atawe proyek yang baru dimulai. Mulai dari galian kabel, saluran aer ampe pelebaran jalan masih banyak ditemui di beberapa jalan raya, contohnye di jalan Kalibata arah Pasar Minggu. Akibatnye, galian kabel eni bikin jalanan jadi kotor ame tanah merah dan yang paling kaga diraguin lagi adalah bikin jalan jadi macet. Bayangin aje gimane macetnye, kaga ade galian kabel aje entu jalan Pasar Minggu emang udeh macet tiap pagi ame sore hari.
bang Aris, salah satu warga Pejaten bilang, "Dari Pancoran ampe Pasar Minggu sekarang bisa 40 menit, padahal naek motor. Macetnye bikin dongkol..." Lain lagi ame Mpok Inah yang sering naek metromini saban sore dari Tebet, "Ampe pegel kaki saye gelantungan, kaga usah ade galian, saban hari udeh macet bang.."
Dari pantauan Bens radio, kaga cuman di jalan Pasar mInggu aje yang lagi ade galian kabel, sejumlah jalan di Jakarta banyak juga yang lagi digali bakal saluran aer ampe kabel. Data dari Traffic Management Center (TMC) Polda Metro Jaya, ada hampir 30 titik galian kabel di Jakarta, yaentu :
Wilayah Jakarta Timur :
- Jalan Raya Condet (saluran aer)
- Jalan Raya Pondok Bambu. (saluran air)
- Depan Intirub Halim ( galian pipa).
Wilayah Jakarta Selatan :
- Jalan Kemang Raya (saluran air).
- Jalan Mampang arah Kuningan (perbaikan jalan).
- Lampu merah Pondok Pinang Selapa Polri ( saluran air).
- Kalibata arah Pasar Minggu (galian kabel).
- Jalan MT Haryono arah Halim depan Gelael (saluran air).
- Jalan Bangka Raya (saluran air).
- Jalan TB Simatupang (saluran air).
- Jalan Gilimanuk, Kuningan (galian belum tertutup)
- Jalan Cideng Barat (saluran air).
- Tugu Tani arah Gambir (saluran air)
Wilayah Jakarta Utara :
- Sebelum Pertigaan Cilincing (saluran air).
- Putaran Carrefour arah Utara (galian kabel).
- Jalan Cacing (galian gorong-gorong air).
Wilayah Jakarta Barat :
- Depan Kampus Trisakti Grogol (saluran air)
- Depan Jaya Mix Daan Mogot (saluran air)
- Jalan Kunir (saluran air)
- Jalan Lada (saluran air)
- Jalan Gajah Mada depan Poskota (saluran air).
- Jalan Peta Selatan (peninggian jalan)
- Jalan 20 maret (peninggian jalan)
- Jalan Semanan Raya (saluran air)
- Jalan Wadas Peta selatan (galian air)
- Jalan Latu Menten, Jembatan Besi (galian Proyek)
0 komentar