Ade Ape di Begaya Senin 23 Januari 2012?Begaya hari Senin tanggal 23 Januari 2012 bakalan tetep seru walaupun lagi liburan..
Bakalan ada Fakta Asik di Pagi Hari, ape-ape aje yang perlu Abang None tau dari aktivitas pagi hari. Masih bakal ade juga bocoran dari headline koran-koran di Pacaran, ame pilihan lagu yang bisa dirikues Abang None.
Di jam 7 ampe 8 pagi, seperti biasa kite bakalan nelpon Abang None yang kayanye lagi asik tidur nih di hari libur Imlek.. Cari tau nyok sape korban kita besok. Bakalan ada juga topik anget nyang bakal diobrolin ame Arya Tanjidor dan Mak Tati Cuex, yaitu tentang keselamatan pejalan kaki. Kita semua cukup dikagetin ye ame berita tentang tewasnye 9 pejalan kaki yang ditabrak ame mobil Xenia item hari Minggu, 22 Januari 2012 di sekitaran Tugu Tani, Jakarta Pusat.. Jangan ketinggalan juga info lalu lintas.. masih macet kaga ye hari libur begini?
Jam 8 ampe jam 9 kita ketemu ame berita dari dunia olahraga.. kudu pantengin, rugi kalo kaga tau update terbaru dari dunia nyang atu eni.. abing entu kite ngobrol-ngobrol dah liwat telepon ame narasumber yang bisa kita serep ilmunye tentang topik anget kita..
Di jam terakhir kite bakalan santai-santai ame info dari dunia teknologi, dunia hiburan, dan pastinye kite punya info seputaran imlek juga.. kaga asik dah kalo dikasih tau di sini semuanye.. mending pantengin besok yak, inget-inget dah.. dari jam 6 ampe 10 pagi! Cihuy..!
0 komentar