Begaya Jumat, 20 Januari 2012 bakalan diisi ame nyang seru-seru. Sayang kalo dilewatin..
Nyemangatin Abang None di jam 6 ampe 7 pagi. Lagu-lagu ame informasi nyang bikin melek, Fakta Asik Pagi Hari dan Pagi-Pagi Baca Koran. Nah.. jangan pada ketinggalan dah.. pokonya asoy..
Di jam 7 ampe 8 kita masih bakal bangunin Abang None yang doyan tidur padahal ude waktunye beraktivitas. Sape yang bakal kita gangguin tidurnye? Jangan-jangan Abang None.. hehe. Bakalan ade topik anget juga nyang bakalan kita gelontorin.. kali eni kita ngelanjutin dari kasusnye perampokan mini market yang kemaren sempet heboh. Ape nyang baru dan anget? Kupingin..
Jam 8 ampe jam 9 waktunye kita cari tau tentang berita terbaru seputar olahraga.. biasa, kesukaannya Arya Tanjidor.. Kita juga bakal ngobrol liwat telepon ame narasumber yang bisa ngejelasin tentang gimane cara aman ngelola mini market atawe usaha waralaba sejenis biar kagak jadi korban kejahatan..
Nah.. di jam 9 ampe 10, ini die puncaknye Begaya Jumat.. ade Buka Pintu, segmen dimane kita ngundang nyang seru buat diajakin siaran bareng. Kali eni ada Mpok cantik Nova Eliza.. ude kebayang kan yang mane orangnye? Buat yang suka nonton sinetron, film bioskop, ame denger lagu Susahnya Jadi Perawan, pasti apal.., nyok pantengin.
0 komentar